Matthieu 1:21 - Mbeti ti Nzapa - Tënë so amu fini

²¹ Lo yeke du ande molenge-koli so fade mo yeke di iri ti lo Jésus, ngbanga ti so lo laa lo yeke soo azo ti lo na ya ti asiokpari ti ala.”

Matthieu 1:21 Iomraidhean Croise

Tongo nda ti aye 17:19

Nzapa atene na lo: “Tënë ni laa pepe! Fade wali ti mo Sara ayeke du na mo mbeni molenge-koli. Mo yeke di iri ti molenge ni Isaac. Mbi yeke leke mbuki ti mbi na lo; mbuki ni ayeke ngba kpu na kpu ndali ti ahale ti lo na peko ti lo.

Tongo nda ti aye 17:21

Me mbuki ti mbi, mbi yeke leke ni na Isaac, molenge so Sara ayeke du lo na mo na ngu ti peko, gi na mara ti ngoi so e yeke daa so.”

Tongo nda ti aye 18:10

KOTA GBIA akiri amu tënë si lo tene: “Na ngu ti peko, gi na mara ti ngoi so e yeke daa so, mbi yeke kiri ge, fade wali ti mo Sara ayeke du molenge-koli.” Andaa Sara aduti na yanga ti da, na peko ti Abraham si lo dingi mê ti lo, lo yeke ma tënë ni.

Jérémie 23:6

Na ngoi ti lo, fade a yeke soo kodro-gbia ti Juda, mbeni ye ti sioni ti si na Israel ayeke duti daa pepe. Iri so fade azo ayeke iri na lo laa: ‘KOTA GBIA ayeke mbirimbiri ti e.’

Jérémie 33:16

Na lango ni so, fade a yeke soo kodro-gbia ti Juda si mbeni ye ti sioni ti si na Jérusalem ayeke duti daa pepe. Iri so fade azo ayeke iri na lo laa: ‘KOTA GBIA ayeke mbirimbiri ti e.’ ”

Daniel 9:24

A diko ngoi mbarambara fani balembarambara ndali ti azo ti mo nga ndali ti gbata ti mo so ayeke nde si ayeke nzoni kue. A diko ngoi ni titene sioni sarango ye na siokpari akai, titene a zi siokpari na li ti azo si mbirimbiri ti Nzapa angba lakue lakue, titene aye so zo abaa na ya ti mbeni ye tongana bango-li na tenengo peko ti tënë ti yanga ti Nzapa aga taa-tënë, titene kota da ti Nzapa so ayeke nde si ayeke nzoni kue, azo akiri azia ni nde ndali ti lo.

Zakarii 9:9

Dodo na ngia, mo gbata ti *Sion! Dekongo na ngia, mo gbata ti Jérusalem! Baa, gbia ti mo ayeke ga na mbage ti mo; lo yeke mbirimbiri, lo so benda, lo sara tere ti lo tongana senge zo, lo duti na ndö ti lele, lo duti na ndö ti molenge ti lele.

Matthieu 1:25

Me Joseph na Marie aduti koli na wali pepe ngbii asi na ngoi so Marie adu molenge ti lo. Joseph adi iri ti lo Jésus.

Nzoni Tënë so Luc asu na mbeti 1:13

Me ange ni atene na lo: “Zakarii, sara mbeto pepe, ngbanga ti so Nzapa ama sambela ti mo awe: fade Élisabeth, wali ti mo ayeke du na mo molenge-koli si mo yeke di iri ti lo Jean.

Nzoni Tënë so Luc asu na mbeti 1:31

Fade mo yeke mu ngo si mo yeke du molenge-koli so mo yeke di iri ti lo Jésus.

Nzoni Tënë so Luc asu na mbeti 2:11

Laso, na ya ti gbata ti David, a du na ala Wasongo-zo awe; lo yeke Christ, Kota Gbia.

Nzoni Tënë so Luc asu na mbeti 2:21

Lango miombe na pekoni, ala fâ molenge ni na *ganza si ala di iri ti lo Jésus. So ayeke iri so *ange afa kozoni si a mu ngo ti lo.

Jean 1:29

Lango oko na pekoni, Jean abaa Jésus so ayeke ga na mbage ti lo si lo tene: “Baa, Kete Taba ti Nzapa so ayeke zi siokpari na li ti azo ti dunia laa!

Jean 4:42

Azo ni atene na wali ni: “Gi ndali ti tënë so mo tene laa e ma na be pepe, me e wani, e ma lo. E hinga biani so lo yeke taa Wasongo azo ti dunia so.”

Awatokua 13:23

Na lege ti mbeni *hale ti David laa Nzapa asara si Jésus aga Wasongo azo ti Israel alingbi na zendo ti lo.

Awatokua 3:26

Ndali ti ala, azo ti Israel, Nzapa asoro zo ti kua ti lo si lo tokua lo kozoni ti sara tufa na ndö ti ala tongana ala oko oko azia ngbene lege ti sarango ye ti ala.”

Awatokua 4:12

Zo alingbi ti soo kuâ na lege ti mbeni iri nde pepe, ngbanga ti so na ndö ti dunia kue, mbeni iri nde so Nzapa amu ni na azo titene e soo kuâ na lege ni ayeke daa pepe.”

Awatokua 5:31

Nzapa aya lo na nduzu na lege ti ngangu ti lo, lo zia lo Makonzi na Wasongo-zo, ti mu lege na azo ti Israel ti zia ngbene lege ti sarango ye ti ala si Nzapa azi siokpari na li ti ala.

Tite 2:14

Lo ka ando tere ti lo na kuâ ndali ti e, ti zi e na ya ti aye ti sioni kue, ti sukula e si e ga azo ti lo wani, titene e mu ngangu ti e kue ti sara anzoni ye.

Ahebro 7:25

Ndani laa, azo so ayeke ga nduru na Nzapa na lege ti lo, lo yeke na ngangu ti soo ala biani biani, ngbanga ti so lo yeke ngba na fini lakue lakue ti sambela ndali ti ala.

1 Jean 1:7

Me tongana e yeke tambula na ya ti lumiere tongana ti so Nzapa wani ayeke na ya ti lumiere, andaa e yeke na beoko na amba ti e si mene ti Jésus, Molenge ti lo, ayeke *sukula asiokpari ti e kue.

1 Jean 3:5

A-ita, ala hinga atene, Jésus aga ti zi asiokpari ti azo; siokpari ayeke na lo oko pepe.

Aye so Nzapa afa 7:14

Mbi kiri tënë na lo, mbi tene: “Kota zo, mo laa mo hinga.” Lo kiri tënë na mbi: “Ala yeke azo so a sara ngangu mingi na ala na ngoi ti aye ti ngangu. Ala sukula bongo ti ala na ya ti mene ti Molenge ti Taba, ala sara si bongo ni avuru.”

Awafango-ngbanga 13:3

Mbeni lâ, *ange ti KOTA GBIA asi na wali ni si atene na lo: “Mbi hinga, mo yeke na molenge pepe, ngbanga ti so mo yeke wali ti dungo ni pepe. Me fade mo yeke mu ngo si mo yeke du molenge-koli.

1 Samuel 1:20

Anne amu ngo si lo du molenge-koli, lo di iri ti lo Samuel. Anne atene: “Mbi di iri ti lo Samuel, ngbanga ti so ayeke molenge so mbi hunda na maboko ti KOTA GBIA.”