Matthieu 1:2 - Mbeti ti Nzapa - Tënë so amu fini

² Abraham adu Isaac; Isaac adu Jacob; Jacob adu Juda, lo na a-ita ti lo.

Matthieu 1:2 Iomraidhean Croise

Tongo nda ti aye 25:19

Tënë ti sewa ti Isaac, molenge ti Abraham ayeke so: Abraham adu Isaac.

Tongo nda ti aye 25:26

Ita ti lo asigigi na peko ti lo; lo gbu ngbonda ti gere ti Ezau. A di iri ti lo Jacob. Na ndembe so a du amolenge so, Isaac ayeke na ngu baleomene.

1 Mbai 1:28

Amolenge ti Abraham ayeke Isaac na Ismael.

1 Mbai 1:34

Abraham adu Isaac, Isaac adu Ezau na Israel

Ésaïe 41:8

“Ti mo Israel, zo ti kua ti mbi, mo Jacob so mbi soro mo, mo yeke *hale ti Abraham, kamarade ti mbi.

Ésaïe 51:2

Ala baa Abraham, babâ ti ala, ala baa Sara so adu ala. Biani, Abraham ayeke lani gi lo oko si mbi iri lo. Mbi sara tufa na ndö ti lo si lo ga kotara ti gba ti azo.”

Wungo ti azo 1:26

Ti ahale ti Juda, a diko ala na lege ti kete mara ti ala oko oko, sewa ti ala oko oko; a su na mbeti iri ti akoli oko oko kue, ala so ngu ti ala alingbi baleuse na ala so ngu ti ala ahon baleuse, ala so alingbi ti sara kua ti turugu.

Matthieu 1:1

So ayeke mbeti ti iri ti akotara ti Jésus Christ, lo so lo yeke *hale ti David; David ayeke hale ti Abraham.

Matthieu 1:3

Juda adu Peres na Zera – mama ti ala ayeke Tamar. Peres adu Hesron; Hesron adu Ram;

Awatokua 7:8

Na pekoni, Nzapa na Abraham asara *mbuki na lege ti *ganza. Tongaso Abraham afâ Isaac na ganza lango miombe na peko ti so a du lo; Isaac nga afâ molenge ti lo Jacob na ganza; Jacob afâ amolenge ti lo baleoko na use na ganza, ala so ayeke akotara ti e.

Ahebro 11:11

Na lege ti mabe, Sara awara nga lege ti du molenge, ataa so ngu ti lo ahon mingi. Lo hinga biani lo tene, tongana Nzapa amu zendo, lo yeke bata tënë ti yanga ti lo.

Ahebro 7:14

Azo kue ahinga so, a du Kota Gbia ti e na ya ti mara ti Juda. Moïse atene tënë oko pepe na ndö ti mara ti Juda tongana lo tene tënë ti awayango-sandaga.

Aye so Nzapa afa 7:5

Na popo ti azo ti mara ti Juda, a kpo nzoroko na ndö ti le ti azo saki baleoko na use; na popo ti azo ti mara ti Ruben, azo saki baleoko na use; na popo ti azo ti mara ti Gad, azo saki baleoko na use;