Matthieu 1:12 - Mbeti ti Nzapa - Tënë so amu fini

¹² Na peko ti so a gbu azo ti Israel si a gue na ala na sese ti Babilone, Yekonia adu Shealtiel; Shealtiel adu Zorobabel;

Matthieu 1:12 Iomraidhean Croise

2 Agbia 24:14

Nabukodonosor agbu azo ti Jérusalem kue, lo gue na ala na sese ti Babilone: akota zo kue, na angangu zo ti tiringo bira so kue wungo ti ala ayeke saki baleoko. Awakode-kua kue na azo ti pikango ndao kue, lo gbu ala, lo gue na ala; gi awayere laa angba na ya ti gbata ni.

2 Agbia 25:27

Ngu baleota na mbarambara na peko ti so a gbu Yoakin, gbia ti Juda a gue na lo na kodro wande, Evil-Merodak aga gbia ti Babilone. Na lango baleuse na mbarambara ti nze baleoko na use ni, na kozo ngu so lo ga gbia, lo sara nzoni be na Yoakin, gbia ti Juda si lo zi lege na lo ti sigigi na da ti kanga.

1 Mbai 3:17

Yekonia so a kanga lo si a gue na lo na Babilone: amolenge ti lo ayeke Shealtiel,

Esdras 3:2

Yeshua, molenge ti Yosadak, lo na amba ti lo awayango-sandaga, na Zorobabel, molenge ti Shealtiel, lo na a-ita ti lo alondo ti sara gbalaka ti Nzapa ti Israel. Ala ye ti ya asandaga so a yeke gbi ni kue na wâ na ndö ni alingbi na tënë so a su na ya ti *Ndia ti Moïse, zo ti Nzapa.

Esdras 5:2

Tongaso Zorobabel, molenge ti Shealtiel, lo na Yeshua, molenge ti Yosadak alondo ti leke kota da ti Nzapa so ayeke na Jérusalem. Awayanga-Nzapa amu maboko na ala.

Néhémie 12:1

So ayeke iri ti awayango-sandaga na azo ti mara ti Lévi so alondo na ngbaa na kodro wande si ala kiri laa. Ala na Zorobabel, molenge ti Shealtiel na Yeshua laa akiri oko. Azo ni ayeke: Seraya, Irmeya, Ezra,

Jérémie 22:24

“Fade mo yeke tene na Konia, molenge ti Yoakim, gbia ti Juda, mo tene: ‘Fini ti mbi! Ataa mo yeke fade tongana *ye ti kpongo na nzoroko so a yeke kpo na ndö ti mbeti si mbi zia na maboko ti mbi ti koli, ka mbi yeke gboto mo ti zi mo na li ti maboko ti mbi; so tënë ti yanga ti KOTA GBIA laa.

Jérémie 22:28

Azo ayeke hunda ndo, atene: “Koli so, Konia so, lo yeke mbeni ta so ya ni afâ awe? So ti tene mbeni ta so zo alingbi ti sara na kua pepe? Lo ga mbeni ta so zo aye ni mbeni pepe? Ngbanga ti nyen si a tumba lo, lo na amolenge ti lo si a bi ala na ya ti mbeni kodro so ala hinga ni pepe so?”

Jérémie 22:30

Tënë so lo tene ayeke so: “Ala su iri ti koli so na mbeti ti fa so lo yeke na molenge pepe, gigi ti lo abuba awe! Biani, mbeni *hale ti lo oko ayeke wara lege pepe ti duti na ndö ti mbata ti gbia David, ti sara komandema na sese ti Juda.”

Jérémie 27:20

– Aye ni kue laa Nabukodonosor agbu na Jérusalem si ague na ni na Babilone pepe, na ndembe so lo gbu Yekonia, molenge ti Yoakim, gbia ti Juda, lo na akota zo kue ti Juda na ti Jérusalem. –

Aggée 1:1

Na ngu use ni so Darius ayeke gbia, na lango oko ti nze omene ni, tënë ti *KOTA GBIA asi na wayanga-Nzapa Aggée titene lo tene peko ni na Zorobabel, govoronere ti sese ti Juda, molenge ti Shealtiel. Lo tene nga peko ti tënë ni na kota wayango-sandaga Yeshua, molenge ti Yosadak.

Aggée 1:12

Tongaso Zorobabel, molenge ti Shealtiel, na Yeshua, kota wayango-sandaga, molenge ti Yosadak na tanga ti azo ti kodro ni kue ama atënë ti KOTA GBIA, Nzapa ti ala, atënë so lo zia na yanga ti wayanga-Nzapa Aggée titene lo tene peko ni na ala si azo ni akpe mbeto ti KOTA GBIA.

Aggée 1:14

KOTA GBIA amu ngangu na be ti Zorobabel, govoronere ti sese ti Juda, molenge ti Shealtiel; lo mu nga ngangu na be ti kota wayango-sandaga Yeshua, molenge ti Yosadak nga na tanga ti azo ti kodro ni. Ala ga si ala to nda ti sara kua ti kota da ti KOTA GBIA, Nzapa ti ala so ayeke na ndö ti dunia kue.

Aggée 2:2

Tene na Zorobabel, govoronere ti sese ti Juda, molenge ti Shealtiel, lo na kota wayango-sandaga Yeshua, molenge ti Yosadak nga na tanga ti azo ti kodro ni kue, mo tene:

Aggée 2:23

So tënë ti yanga ti KOTA GBIA so ayeke na ndö ti dunia kue laa: Na lango ni so, fade mbi yeke mu mo, Zorobabel, molenge ti Shealtiel, mo so mo yeke zo ti kua ti mbi, so tënë ti yanga ti KOTA GBIA laa, mbi yeke zia mo tongana *ye ti kpongo na nzoroko ti mbi, ngbanga ti so, mo laa mbi soro mo; so tënë ti yanga ti KOTA GBIA so ayeke na ndö ti dunia kue laa.’ ”

Matthieu 1:11

Yosias adu Yekonia na a-ita ti lo na ngoi so a gbu azo ti Israel, a gue na ala na sese ti Babilone.

Matthieu 1:13

Zorobabel adu Abihud; Abihud adu Eliakim; Eliakim adu Azor;

Matthieu 1:17

Ti londo na Abraham ngbii asi na David, na lege ti molongo ti dungo ni, azo ayeke baleoko na osio. Ti londo na David ngbii asi na ngoi so a gbu amolenge ti Israel si ague na ala na sese ti Babilone, na lege ti molongo ti dungo ni, azo ayeke baleoko na osio. Ti londo na ngoi so a gbu ala ti gue na ala na kodro wande ngbii asi na Mesii, na lege ti molongo ti dungo ni, azo ayeke baleoko na osio.

Nzoni Tënë so Luc asu na mbeti 3:27

Yoda ayeke molenge ti Yohanan; Yohanan ayeke molenge ti Resa; Resa ayeke molenge ti Zorobabel; Zorobabel ayeke molenge ti Shealtiel; Shealtiel ayeke molenge ti Neri;