Marc 9:48 - Mbeti ti Nzapa - Tënë so amu fini

⁴⁸ Kâ, ‘akete ngusu so ayeke te tere ti zo ayeke kui pepe si wâ ni nga ayeke mingo oko pepe.’

Marc 9:48 Iomraidhean Croise

Ésaïe 66:24

Na sigingo ti ala, fade ala lingbi ti baa kuâ ti azo so atomboka na tere ti mbi. Angusu so ayeke te ala ayeke kui pepe; wâ so ayeke gbi ala ayeke mingo pepe. Ala yeke ga ye so ayeke sioni mingi ndali ti azo kue.

Jérémie 4:4

Ala fâ *ganza ndali ti KOTA GBIA, ala fâ be ti ala na ganza, ala azo ti Juda na ala, azo ti Jérusalem. Tongaso pepe, ndali ti sioni sarango ye ti ala, fade ngonzo ti mbi ayeke londo tongana wâ; wâ ni ayeke gbi ye kue si zo oko alingbi ti mingo ni pepe.”

Matthieu 25:41

“Na pekoni, fade Gbia ni ayeke tene na azo so ayeke na mbage ti maboko ti lo ti wali: ‘Ala hon yongoro na tere ti mbi, ala so Nzapa adeba ala awe so! Ala gue na ya ti kota wâ so ayeke gbi lakue lakue, so a leke ni ndali ti Zabolo na *a-ange ti lo.

Matthieu 3:12

Lo gbu ye ti pengo na ale ti kobe na maboko ti lo, lo yeke leke ndo ti pikango ale ti kobe ti lo daa. Na pekoni, lo yeke zia ni na ya ti gogoro, me fade lo yeke bongbi aporo ni ti gbi na ya ti wâ so ayeke mingo laoko pepe.”

Marc 9:49

Fade wâ ayeke gbu zo oko oko kue tongana ti so ingo ayeke gbu kobe.

Nzoni Tënë so Luc asu na mbeti 3:17

Lo gbu ye ti pengo na ale ti kobe na maboko ti lo, lo yeke leke ndo ti pikango ale ti kobe ti lo daa. Na pekoni, lo yeke zia ni na ya ti gogoro, me fade lo yeke bongbi aporo ni ti gbi ni na ya ti wâ so ayeke mingo laoko pepe.”