Marc 9:47 - Mbeti ti Nzapa - Tënë so amu fini

⁴⁷ Tongana le ti mo laa ayeke handa mo titene mo ti na ya ti siokpari, ayeke nzoni mo gboto ni. Titene mo li na ya ti *Kodro-gbia ti Nzapa na le oko, so laa ayeke nzoni ahon titene mo bata ale ti mo use si a bi mo na ni na ndo so wâ ayeke gbi daa lakue.

Marc 9:47 Iomraidhean Croise

Tongo nda ti aye 3:6

Wali ni abaa so ale ti keke ni ayeke nzoni titene zo ate ni; ayeke pendere titene zo abaa ni si ayeke nzoni ti sara si zo ahinga ndo. Lo mu mbeni le ni, lo te, lo mu nga na koli ti lo so ayeke na tere ti lo si lo kue, lo te ni.

Mbeti ti Job 31:1

Mbi na le ti mbi, e use kue, e deba titene mbi baa maseka-wali na nzara ni pepe.

Abia (Psaumes) 119:37

Sara si le ti mbi angba na ndö ti buba ye pepe, sara si mbi kiri mbi duti na fini ti mu lege so mo fa.

Matthieu 18:9

Tongana le ti mo ayeke handa mo titene mo ti na ya ti siokpari, mo zi ni, mo bi yongoro na tere ti mo. Titene mo li na ndo so zo ayeke duti na fini daa na le ti mo oko, so laa ayeke nzoni ahon titene mo bata ale ti mo use kue si a bi mo na ni na ndo so wâ ayeke gbi daa lakue.”

Matthieu 5:22

Ti mbi, mbi tene na ala: zo so asara ngonzo na tere ti ita ti lo, fade a yeke gue na lo na ngbanga; zo so atene na ita ti lo: ‘Buba zo!’, fade a yeke gue na lo na gbe ti azo ti *Kota Bongbi ti Fango Ngbanga; zo so atene na ita ti lo: ‘Mo, zo ti gbogbolinda so!’, lo lingbi titene a bi lo na ndo so wâ ayeke gbi daa lakue.

Marc 9:43

Tongana maboko ti mo laa ayeke handa mo titene mo ti na ya ti siokpari, ayeke nzoni mo fâ ni. Titene mo li na ndo so zo ayeke duti na fini daa na maboko oko, so laa ayeke nzoni ahon titene mo bata maboko ti mo use si mo gue na ni na ndo so wâ ayeke gbi daa si ayeke mingo oko pepe so. [

Marc 9:46

Kâ, ‘akete ngusu so ayeke te tere ti zo ayeke kui pepe si wâ ni nga ayeke mingo oko pepe.’]

Nzoni Tënë so Luc asu na mbeti 14:26

“Tongana zo aga na mbi, alingbi lo ye mbi ahon babâ ti lo, mama ti lo, wali ti lo, amolenge ti lo, a-ita ti lo ti koli na ti wali nga na tere ti lo wani si lo duti disiple ti mbi.

Jean 3:3

Jésus akiri tënë na lo: “Biani, mbi tene na mo taa-tënë: tongana a kiri a du zo pepe, lo lingbi ti baa *Kodro-gbia ti Nzapa pepe.”

Jean 3:5

Jésus akiri tënë na lo: “Biani, mbi tene na mo taa-tënë: tongana a du zo na ngu na Yingo pepe, zo ni alingbi ti li na Kodro-gbia ti Nzapa pepe.

Galasii 4:15

Ando tere ti ala anzere ahon ndoni! Ti fadeso, nyen laa asi na ala, nyen? Biani, mbi lingbi ti tene tënë ti nzoni ye so ala sara, mbi tene: ala ye fade ti sara ye kue ndali ti mbi, tongana ayeke fade titene ala zi amboma ti le ti ala ti mu na mbi, ka ala sara ni!