Marc 9:31 - Mbeti ti Nzapa - Tënë so amu fini

³¹ ngbanga ti so lo ngba ti fa ye na adisiple ti lo; lo tene na ala: “Fade a yeke zia *Molenge ti Zo na maboko ti azo titene ala fâ lo. Lango ota na pekoni, fade lo yeke zingo na kuâ.”

Marc 9:31 Iomraidhean Croise

Matthieu 16:21

Ti londo na ndembe ni so, Jésus ato nda ti tene tënë polele na adisiple ti lo, atene: “Alingbi mbi gue na Jérusalem ti baa pasi mingi na maboko ti *akangba na akota wayango-sandaga na awafango-ndia. Ala yeke fâ mbi, me na lango ota ni, mbi yeke zingo na kuâ.”

Matthieu 20:28

Legeoko tongaso, *Molenge ti Zo aga titene azo asara kua na lo pepe, me lo ga titene lo sara kua na azo, ti ka tere ti lo na kuâ ti soo gba ti azo.”

Matthieu 26:2

“Ala hinga kue, na ya ti lango use, fade *matanga ti Pake ayeke duti daa. Fade a yeke mu *Molenge ti Zo titene a fâ lo na ndö ti keke ti kroa.”

Matthieu 27:63

ala tene na lo: “Kota zo, na ndembe so zo ti mvene so ade na fini, lo tene lani, lo tene: ‘Na peko ti lango ota, fade mbi yeke zingo na kuâ.’ E dabe ti e na tënë so.

Marc 10:34

Ala yeke he lo, ala yeke tuku ngu ti yanga ti ala na tere ti lo, ala yeke pika lo na fimbo si ala yeke fâ lo. Lango ota na pekoni, fade lo yeke zingo na kuâ.”

Marc 8:31

Na pekoni, Jésus ato nda ti fa ye na adisiple ti lo, lo tene: “Alingbi *Molenge ti Zo abaa pasi mingi. *Akangba, na akota wayango-sandaga na awafango-ndia ayeke ke lo, ala yeke fâ lo si lango ota na pekoni, lo yeke zingo na kuâ.”

Marc 9:12

Lo kiri tënë na ala: “Taa-tënë, alingbi Élie aga kozoni ti leke ye kue na legeni. Me ngbanga ti nyen laa Mbeti ti Nzapa atene nga atene: ‘Fade Molenge ti Zo ayeke baa pasi si azo ayeke baa lo tongana senge zo so?’

Nzoni Tënë so Luc asu na mbeti 24:26

Alingbi fade titene *Mesii abaa pasi kozoni si lo li na ya ti gonda ti lo pepe?”

Nzoni Tënë so Luc asu na mbeti 9:44

“Ala ma tënë so mbi yeke tene na ala so nzoni! Fade a yeke zia *Molenge ti Zo na maboko ti azo.”

Jean 10:18

Mbeni zo laa ayeke zi fini ti mbi pepe, me mbi wani laa mbi yeda ti ka ni. Mbi yeke na ngangu ti ka ni, mbi yeke nga na ngangu ti kiri ti wara ni. Babâ ti mbi amu yanga na mbi ti sara tongaso.”

Jean 2:19

Jésus akiri tënë na ala, atene: “Ala kungbi kota da ti Nzapa so na sese, fade na ya ti lango ota, mbi yeke kiri ti leke ni na nduzu.”

Jean 3:14

Alingbi a kanga Molenge ti Zo na nduzu na ndö ti keke, tongana ti so Moïse akanga ando ngbo na nduzu na benyama,

2 Timothée 2:12

tongana e gbu ngangu, fade e na lo kue, e yeke le-gbia; tongana e bere tënë ti lo, fade lo nga, lo yeke bere tënë ti e;