Marc 9:25 - Mbeti ti Nzapa - Tënë so amu fini

²⁵ Jésus abaa gba ti azo so ayeke kpe ti ga na tere ti ala; lo suku ngangu na sioni yingo so, lo tene: “Mo, yingo so mo yeke kanga yanga na mê ti zo: sigigi na ya ti molenge so! Kiri mo li na ya ti lo pepe!”

Marc 9:25 Iomraidhean Croise

Zakarii 3:2

Ange ti KOTA GBIA atene na Satan: “Satan, ayeke nzoni KOTA GBIA akanga yanga ti mo! Biani, ayeke nzoni KOTA GBIA akanga yanga ti mo; lo so lo soro Jérusalem so. Ti Yeshua, lo yeke tongana mbeni nduru keke ti wâ so a gboto ni na le ti wâ asigigi na ni awe pepe?”

Matthieu 12:22

Tongaso, azo amu mbeni koli so sioni yingo ayeke na ya ti lo aga na lo na Jésus; lo yeke waziba si lo yeke nga buburu. Jésus akai kobela ti lo; lo to nda ti tene tënë si lo baa ndo.

Matthieu 17:18

Jésus asuku ngangu na sioni yingo ni si yingo ni asigigi na ya ti molenge ni. Gi na ndembe ni so, tere ti molenge ni aga nzoni.

Marc 9:15

Gi so azo ni abaa Jésus, li ti ala akpe si ala mu loro ti ga ti bara lo.

Marc 9:24

Gi hio tongaso, babâ ti molenge ni adekongo, atene: “Mbi ma na be! Me mu na mbi maboko, ngbanga ti so mabe atia mbi!”

Marc 9:26

Yingo ni adekongo, ayingi molenge ni ngangu si asigigi. Molenge-koli ni aga tongana zo so akui awe. Azo so aduti na tere ni atene: “Lo kui awe.”

Nzoni Tënë so Luc asu na mbeti 11:14

Jésus atumba mbeni sioni yingo so ayeke na ya ti mbeni buburu. So sioni yingo ni asigigi awe, buburu ni ato nda ti tene tënë si li ti gba ti azo akpe kue.

Nzoni Tënë so Luc asu na mbeti 4:35

Jésus asuku ngangu na yingo ni, atene: “Kanga yanga ti mo! Sigigi na ya ti koli so!” Sioni yingo ni akinda koli ni na sese na le ti azo kue si lo sigigi na ya ti lo. Me lo sara ye ti sioni oko na koli ni pepe.

Nzoni Tënë so Luc asu na mbeti 4:41

Asioni yingo nga asigigi na ya ti azo mingi. Ala dekongo, atene: “Mo yeke Molenge ti Nzapa.” Me Jésus asuku ngangu na ayingo ni. Lo ke na ala ti tene tënë, ngbanga ti so ala hinga atene, lo yeke Christ.

Nzoni Tënë so Luc asu na mbeti 8:29

Lo tene tongaso, ngbanga ti so Jésus asuku na sioni yingo ni ti sigigi na ya ti koli so. Lege mingi, sioni yingo ni amu lo; azo ayeke kanga maboko ti lo na gere ti lo na azingiri ti bata lo, me lo yeke fâ ya ti aye so kue si sioni yingo ni ayeke mu lo ti kpe na lo na benyama.

Nzoni Tënë so Luc asu na mbeti 9:42

So molenge ni asi, sioni yingo ni abi lo na sese si ayeke yingi lo ngangu. Me Jésus asuku ngangu na sioni yingo ni; lo sara si tere ti molenge ni akiri aga nzoni si lo kiri na lo na babâ ti lo.

Awatokua 16:18

Lo sara ye ni so na ya ti alango mingi. Ye ni ahon ndoni si be ti Paul aso, lo baa ndo na wali ni si lo tene na yingo ni, lo tene: “Na iri ti Jésus Christ, mbi mu yanga na mo: sigigi na ya ti wali so!” Gi na ndembe ni so, yingo ni asigigi na ya ti lo.

Jude 1:9

Ataa Michel, makonzi ti a-ange asara mara ti ye so laoko pepe. Ando, tënë alondo na popo ti lo na Zabolo si ala yeke papa ndali ti mungo kuâ ti Moïse. Me titene lo fâ ngbanga ti sioni na li ti Zabolo, Michel abaa tere ti lo tongana zo so akpa pepe. Gi tënë so lo tene na Zabolo ayeke so: “Ayeke nzoni Kota Gbia afâ ngbanga na li ti mo!”