Marc 9:23 - Mbeti ti Nzapa - Tënë so amu fini

²³ Jésus atene na lo: “Ngbanga ti nyen si mo tene: ‘Tongana mo lingbi ti sara?’ Zo so ama na be, lo lingbi ti sara ye kue!”

Marc 9:23 Iomraidhean Croise

2 Mbai 20:20

Na kota ndaperere, azo kue alondo ti gue na benyama ti Tekoa. Na guengo ti ala, Yosafat aluti na nduzu si lo tene na ala: “Azo ti Jérusalem na azo ti Juda, ala ma mbi si! Ayeke nzoni ala zia be ti ala na ndö ti KOTA GBIA, Nzapa ti ala si fade ala yeke wara ngangu. Ala zia be ti ala na ndö ti azo ti tenengo peko ti yanga ti lo si fade ala yeke so benda.”

Matthieu 14:29

Jésus atene na lo: “Ga!” Pierre asigigi na ya ti ngo ni si lo tambula na le ti ngu ti gue na mbage ti Jésus.

Matthieu 17:20

Jésus akiri tënë na ala: “Ngbanga ti so mabe ti ala ayeke kete. Biani, mbi tene na ala: tongana konongo ti mabe ti ala alingbi na konongo ti kete kete le ti keke ti mutarde, fade ala yeke tene na hoto so: ‘Londo na ndo so, mo gue kâ.’ Fade hoto ni ayeke hon; ye alingbi ti kara ala oko pepe. [

Marc 11:23

Mbi tene na ala taa-tënë: tongana zo atene na hoto so, atene: ‘Londo na ndo so, mo ti na ya ti kota ngu-ingo’ si lo dekite na be ti lo pepe, me lo ma na be so ye ni ayeke si, fade ye ni ayeke si biani.

Marc 9:22

Lakue yingo ni ayeke bi lo na le ti wâ wala na ya ti ngu titene lo kui. Me tongana mo lingbi ti sara mbeni ye ndali ti lo, baa mawa ti e, mu maboko na e!”

Marc 9:24

Gi hio tongaso, babâ ti molenge ni adekongo, atene: “Mbi ma na be! Me mu na mbi maboko, ngbanga ti so mabe atia mbi!”

Nzoni Tënë so Luc asu na mbeti 17:6

Kota Gbia atene na ala: “Tongana konongo ti mabe ti ala alingbi na konongo ti le ti keke ti mutarde, fade ala lingbi ti tene na keke ti sikomor so, atene: ‘Gboto tere ti mo na agunda ti mo kue, mo gue, mo lu tere ti mo na ya ti kota ngu-ingo’, fade keke ni ayeke ma yanga ti ala.”

Jean 11:40

Jésus akiri tënë na lo, atene: “Mbi tene fade na mo, mbi tene: ‘Tongana mo ma na be, fade mo yeke baa gonda ti Nzapa!’ ”

Awatokua 14:9

Mbeni lâ, lo yeke ma tënë so Paul ayeke fa. Paul abaa ndo na le ti koli ni si lo baa so koli ni ayeke na mabe titene tere ti lo aga nzoni.

Ahebro 11:6

Andaa, tongana zo ayeke na mabe pepe, lo lingbi ti ga nzoni na le ti Nzapa pepe, ngbanga ti so zo so aga nduru na Nzapa, alingbi lo hinga so, Nzapa ayeke daa biani si lo yeke mu anzoni ye na azo so ayeke gi lo.