Marc 9:20 - Mbeti ti Nzapa - Tënë so amu fini

²⁰ Ala ga na molenge ni na lo. Gi so sioni yingo ni abaa Jésus, lo yingi molenge ni ngangu. Molenge ni ati, lo yeke rule tere ti lo na sese si furu ayeke sigigi na yanga ti lo.

Marc 9:20 Iomraidhean Croise

Marc 1:26

Tongaso sioni yingo ni adekongo, lo yingi koli ni ngangu si lo sigigi na ya ti lo.

Marc 9:18

Na ndo kue, tongana sioni yingo ni agbu lo, lo yeke kinda lo na sese, *furu ayeke sigigi na yanga ti lo, lo yeke te pembe ti lo ngangu si tere ti lo kue akpengba kpengbango. Mbi hunda na adisiple ti mo ti tumba sioni yingo so, me ala ha gbaa.”

Marc 9:19

Jésus atene na ala: “Ala azo ti fadeso, ala so ayeke na mabe pepe so! Fade mbi yeke ngba ti duti na tere ti ala ngbii asi lawa? Fade mbi yeke ngba ti kanga be ti mbi na ala ngbii asi lawa? Ala ga na mbi molenge ni!”

Marc 9:21

Jésus ahunda babâ ni, atene: “Ye ni ato nda ti sara lo lawa?” Babâ ni atene: “Na ndembe so lo de molenge.

Marc 9:26

Yingo ni adekongo, ayingi molenge ni ngangu si asigigi. Molenge-koli ni aga tongana zo so akui awe. Azo so aduti na tere ni atene: “Lo kui awe.”

Nzoni Tënë so Luc asu na mbeti 4:35

Jésus asuku ngangu na yingo ni, atene: “Kanga yanga ti mo! Sigigi na ya ti koli so!” Sioni yingo ni akinda koli ni na sese na le ti azo kue si lo sigigi na ya ti lo. Me lo sara ye ti sioni oko na koli ni pepe.

Nzoni Tënë so Luc asu na mbeti 8:29

Lo tene tongaso, ngbanga ti so Jésus asuku na sioni yingo ni ti sigigi na ya ti koli so. Lege mingi, sioni yingo ni amu lo; azo ayeke kanga maboko ti lo na gere ti lo na azingiri ti bata lo, me lo yeke fâ ya ti aye so kue si sioni yingo ni ayeke mu lo ti kpe na lo na benyama.

Nzoni Tënë so Luc asu na mbeti 9:39

Lakue tongana sioni yingo agbu lo, lo yeke dekongo, sioni yingo ni ayeke yingi lo mingi, asara si *furu ayeke sigigi na yanga ti lo; sigingo ti sioni yingo ni na ya ti molenge ni ayeke ngangu. Tongana lo ga ti sigigi, andaa molenge ni awoko kue awe.

Nzoni Tënë so Luc asu na mbeti 9:42

So molenge ni asi, sioni yingo ni abi lo na sese si ayeke yingi lo ngangu. Me Jésus asuku ngangu na sioni yingo ni; lo sara si tere ti molenge ni akiri aga nzoni si lo kiri na lo na babâ ti lo.

Jean 8:44

Babâ ti ala ayeke Zabolo, ala ye ti sara gi ye so be ti lo aye; kua ti lo ngbene ye na tongo nda ni laa. Lo gi lege laoko ti tene taa-tënë pepe, ngbanga ti so taa-tënë ayeke na ya ti fini ti lo pepe. Mvene ayeke ye ti tere ti lo, ngbanga ti so lo yeke zo ti mvene si lo yeke babâ ti mvene.

1 Pierre 5:8

Le ti ala akpengba, ala lango pepe! Zabolo, wato ti ala, ayeke ngoro na tere ti ala tongana bamara so ayeke toto si ayeke gi mbeni zo ti te.