Marc 9:19 - Mbeti ti Nzapa - Tënë so amu fini

¹⁹ Jésus atene na ala: “Ala azo ti fadeso, ala so ayeke na mabe pepe so! Fade mbi yeke ngba ti duti na tere ti ala ngbii asi lawa? Fade mbi yeke ngba ti kanga be ti mbi na ala ngbii asi lawa? Ala ga na mbi molenge ni!”

Marc 9:19 Iomraidhean Croise

Abia (Psaumes) 78:22

ngbanga ti so ala zia be ti ala na ndö ti Nzapa pepe, ala ke ti ma na be so lo lingbi ti soo ala na kuâ.

Wungo ti azo 14:11

*KOTA GBIA atene na Moïse: “Azo so ayeke ngba ti ke mbi ngbii asi lawa? Ala yeke ke ti zia be ti ala na ndö ti mbi ngbii asi lawa, ataa aye ti kpene so kue mbi sara na popo ti ala?

Wungo ti azo 14:22

Azo so abaa gonda ti mbi kue, ala baa aye ti kpene so mbi sara na Ezipte nga na ya ti benyama. Ala tara be ti mbi fani baleoko, ala ma yanga ti mbi pepe.

Wungo ti azo 14:27

“Mbi ma azo ti Israel ayeke kasa mbi. Fade bongbi ti asioni zo so ayeke ngba ti kasa mbi ngbii asi lawa?

Matthieu 17:17

Jésus akiri tënë: “Ala azo ti fadeso, ala yeke na mabe pepe, ala yeke azo ti kirikiri! Mbi yeke ngba ti duti na tere ti ala ngbii asi lawa? Mbi yeke ngba ti kanga be ti mbi na ala ngbii asi lawa? Ala ga na mbi molenge ni ge!”

Marc 16:14

Ti hunzi na ni, Jésus afa tere ti lo na adisiple ti lo baleoko na oko na ndembe so ala yeke te kobe. Lo suku na ala, ngbanga ti so ala dekite, ala kpengba be ti ala si ala ke ti yeda na tënë ti azo so abaa lo na peko ti so lo zingo na kuâ.

Marc 9:18

Na ndo kue, tongana sioni yingo ni agbu lo, lo yeke kinda lo na sese, *furu ayeke sigigi na yanga ti lo, lo yeke te pembe ti lo ngangu si tere ti lo kue akpengba kpengbango. Mbi hunda na adisiple ti mo ti tumba sioni yingo so, me ala ha gbaa.”

Marc 9:20

Ala ga na molenge ni na lo. Gi so sioni yingo ni abaa Jésus, lo yingi molenge ni ngangu. Molenge ni ati, lo yeke rule tere ti lo na sese si furu ayeke sigigi na yanga ti lo.

Nzoni Tënë so Luc asu na mbeti 24:25

Tongaso Jésus atene na ala: “Ala azo so li ti ala ayeke daa pepe so, tënë so kue awayanga-Nzapa atene ando so, ala ma na be na ni hio pepe!

Nzoni Tënë so Luc asu na mbeti 9:41

Jésus akiri tënë: “Ala azo ti fadeso, ala yeke na mabe pepe, ala yeke azo ti kirikiri! Mbi yeke ngba ti duti na tere ti ala ngbii asi lawa? Mbi yeke ngba ti kanga be ti mbi na ala ngbii asi lawa? Ga na molenge ti mo na ndo so.”

Jean 12:27

“Fadeso be ti mbi ayeke na siriri pepe. Fade mbi yeke tene nyen? Wala mbi tene: ‘Babâ, zi mbi na ya ti ngoi ti pasi so ayeke ga!’ Me ayeke ngbanga ti ngoi ti pasi so laa mbi ga.

Jean 20:27

Na pekoni, lo tene na Thomas: “Yoro li ti maboko ti mo na ndo so, mo baa maboko ti mbi. Yoro nga maboko ti mo na ndo so na ya ti kate ti mbi. Zia ti dekite, ma na be!”

Ndia ti fani use ni 32:20

Tongaso lo tene: ‘Zo alingbi ti zia be ti lo na ndö ti ala pepe! Ala yeke azo ti sioni mingi. Mbi yeke honde le ti mbi na ala, mbi yeke ku ti baa ye so ayeke si na ala gbanda.