Marc 9:18 - Mbeti ti Nzapa - Tënë so amu fini

¹⁸ Na ndo kue, tongana sioni yingo ni agbu lo, lo yeke kinda lo na sese, *furu ayeke sigigi na yanga ti lo, lo yeke te pembe ti lo ngangu si tere ti lo kue akpengba kpengbango. Mbi hunda na adisiple ti mo ti tumba sioni yingo so, me ala ha gbaa.”

Marc 9:18 Iomraidhean Croise

Mbeti ti Job 16:9

Na ya ti ngonzo ti lo, Nzapa ayeke tumba peko ti mbi si lo suru ya ti mbi, lo yeke te pembe na tere ti mbi; lo ga wato ti mbi, le ti lo ayeke kpo mbi tongana le ti kokora.

Abia (Psaumes) 112:10

Zo ti sioni ayeke baa lo, be ti lo ayeke so, lo yeke te pembe ti lo si lo yeke ti. Ye so zo ti sioni asara nzara ni, fade ye ni ayeke buba kue.

Matthieu 15:22

Mbeni wali ti kodro ti Kanaan aga si lo dekongo, lo tene: “*Kota Gbia, Molenge ti David, baa mawa ti mbi! Molenge ti mbi ti wali ayeke na sioni yingo na ya ti lo si asara lo pasi mingi.”

Matthieu 17:16

Mbi ga na lo na adisiple ti mo, me ala kai kobela ni gbaa.”

Matthieu 8:12

Me azo so a diko ando ala ndali ti Kodro-gbia ti yayu ni, fade a yeke bi ala na gigi na ya ti vukongo ndo; kâ, gi toto na tengo pembe.”

Marc 11:23

Mbi tene na ala taa-tënë: tongana zo atene na hoto so, atene: ‘Londo na ndo so, mo ti na ya ti kota ngu-ingo’ si lo dekite na be ti lo pepe, me lo ma na be so ye ni ayeke si, fade ye ni ayeke si biani.

Marc 9:17

Mbeni koli so ayeke na popo ti gba ti azo ni atene na lo: “Wafango-ye, mbi ga na mo molenge ti mbi so lo yeke na mbeni sioni yingo so akanga yanga ti lo.

Marc 9:19

Jésus atene na ala: “Ala azo ti fadeso, ala so ayeke na mabe pepe so! Fade mbi yeke ngba ti duti na tere ti ala ngbii asi lawa? Fade mbi yeke ngba ti kanga be ti mbi na ala ngbii asi lawa? Ala ga na mbi molenge ni!”

Marc 9:20

Ala ga na molenge ni na lo. Gi so sioni yingo ni abaa Jésus, lo yingi molenge ni ngangu. Molenge ni ati, lo yeke rule tere ti lo na sese si furu ayeke sigigi na yanga ti lo.

Marc 9:26

Yingo ni adekongo, ayingi molenge ni ngangu si asigigi. Molenge-koli ni aga tongana zo so akui awe. Azo so aduti na tere ni atene: “Lo kui awe.”

Awatokua 7:54

So azo ti *Kota Bongbi ti Fango Ngbanga ni ama tënë so, ngonzo ti ala alondo tongana wâ si ala yeke te pembe ti ala na tere ti Étienne.

Jude 1:13

Ala yeke tongana asioni *mapo ti le ti kota ngu-ingo so pupu ayeke yingi ni kirikiri, aye ti kamene ti ala ni ayeke sara tongana *afuru ti ngu. Ala yeke nga tongana ambeni tongoro so ayeke tambula kirikiri; ndo so a leke ndali ti azo ni titene ala duti daa kpu na kpu ayeke na ndo so avuko pitipiti.