Marc 8:6 - Mbeti ti Nzapa - Tënë so amu fini

⁶ Tongaso lo mu yanga na azo ni kue ti duti na sese. Na pekoni, lo mu mapa mbarambara so, lo mu singila na Nzapa, lo fâ ya ni si lo mu na adisiple ti lo ti kangbi ni na azo ni. Nilaa adisiple akangbi ni na azo ni.

Marc 8:6 Iomraidhean Croise

Matthieu 26:26

So ala yeke te kobe, Jésus amu mapa, lo mu singila na Nzapa; na pekoni lo fâ ya ni, lo mu na adisiple si lo tene: “Ala mu ni ate, so ayeke tere ti mbi.”

Marc 8:20

Jésus akiri ahunda ala, atene: “Lani so mbi fâ ya ti mapa mbarambara ti kangbi na azo saki osio, tanga ti anduru ni asi sakpa oke si ala mu ague na ni so?” Ala kiri tënë na lo: “Mbarambara.”

Marc 8:5

Jésus ahunda ala, atene: “Ala yeke na mapa oke?” Ala kiri tënë na lo: “Mbarambara.”

Marc 8:7

Ala yeke nga na ambeni kete susu. Jésus amu singila na Nzapa ngbanga ti asusu so si lo tene na adisiple ti lo ti kangbi nga ni na azo ni.

Nzoni Tënë so Luc asu na mbeti 12:37

Ti ala nzoni, ala azo ti kua so makonzi ti ala ayeke kiri si lo yeke wara ala na lango pepe! Mbi tene na ala taa-tënë: fade makonzi ti ala ni ayeke yu bongo ti kua, lo yeke mu ndo na ala ti duti na tere ti meza si lo wani, lo yeke mu kobe na ala.

Nzoni Tënë so Luc asu na mbeti 24:30

So lo na ala aduti ti te kobe, lo mu mapa, lo mu singila na Nzapa; na pekoni, lo fâ ya ni si lo mu na ala.

Jean 2:5

Tongaso mama ti Jésus atene na azo ti kua ni, atene: “Ala sara ye so kue lo yeke hunda na ala.”

Jean 6:23

Me ambeni ngo nde alondo na gbata ti Tiberiade asi na ndo so *Kota Gbia amu mapa, lo mu singila na Nzapa si azo ate so.

Rome 14:6

Zo so abaa mbeni lango tongana kota lango ahon atanga ni, lo yeke sara tongaso ndali ti Kota Gbia; zo so ayeke te ye kue, lo yeke te ni ndali ti Kota Gbia, ngbanga ti so lo yeke mu singila na Nzapa. Zo so ayeke te ye kue pepe, lo yeke sara tongaso ndali ti Kota Gbia, ngbanga ti so lo nga, lo yeke mu singila na Nzapa.

Kolose 3:17

Atënë so kue ala yeke tene, wala aye so kue ala yeke sara, ala sara ni na iri ti *Kota Gbia Jésus, ala mu singila na Nzapa Babâ na lege ti lo.

1 Samuel 9:13

Gi so ala yeke li na ya ti gbata ni, ala yeke wara lo kozoni si lo gue na ndö ti hoto ti te kobe. Zo oko alingbi ti te kobe pepe kozoni si lo ga, ngbanga ti so lo laa lo yeke sara tufa na ndö ti sandaga ni. Azo so a tisa ala so ayeke te ande ti ala kobe ni na peko. Ala gue hio fafadeso si ala wara lo.”