Marc 8:33 - Mbeti ti Nzapa - Tënë so amu fini

³³ Me Jésus abaa ndo na peko, lo baa adisiple ti lo si lo suku na Pierre, lo tene: “Satan, hon kâ na tere ti mbi, ngbanga ti so bango ndo ti mo ayeke tongana ti Nzapa pepe, me ayeke tongana ti zo.”

Marc 8:33 Iomraidhean Croise

2 Samuel 19:22

Abishai, so iri ti mama ti lo ayeke Seruya amu tënë si lo tene: “Shimei so lani azonga gbia so *KOTA GBIA asoro lo so, tënë so lo tene so laa alingbi ti kanga lege ti fâ lo?”

Mbeti ti Job 2:10

Me Job akiri tënë na lo: “Mo yeke tene tënë tongana wali so li ti lo ayeke daa pepe. Tongana e wara nzoni ye na maboko ti Nzapa, e yeda; me tongana e wara sioni ye, e yeda pepe, ngbanga ti nyen?” Na ya ti aye so kue, Job asara siokpari na lege ti tënë ti yanga ti lo pepe.

Abia (Psaumes) 141:5

Tongana zo ti mbirimbiri apika mbi, andaa lo sara nzoni be na mbi laa. Tongana lo suku na mbi, andaa nzoni mafuta laa lo tuku na li ti mbi, mbi lingbi ti ke ni pepe. Me mbi yeke ngba ti sambela, ataa so ala yeke sara sioni na mbi.

Awayango-sandaga 19:17

“Be ti ala ake ita ti ala pepe, me ala suku na zo ti kodro ti ala, tongaso si sioni ti lo ati na li ti ala pepe.

Matthieu 15:23

Me Jésus akiri tënë oko na lo pepe. Adisiple ti lo aga nduru na tere ti lo si ala tene na lo: “Mo tumba lo, ngbanga ti so lo yeke dekongo si lo yeke mu gi peko ti e.”

Matthieu 16:23

Me Jésus abaa ndo na peko si lo tene na Pierre: “Satan, hon kâ na tere ti mbi! Mo yeke gi ti kinda mbi, ngbanga ti so bango ndo ti mo ayeke tongana ti Nzapa pepe, me ayeke tongana ti zo.”

Matthieu 4:10

Jésus atene na lo: “Hon kâ, Satan! Mbeti ti Nzapa atene: ‘Mo voro Kota Gbia, Nzapa ti mo si mo sara kua gi na lo oko!’ ”

Marc 3:34

Na pekoni, lo baa azo so aduti, angoro lo so si lo tene: “Ala baa, mama ti mbi na a-ita ti mbi laa so.

Marc 3:5

Jésus abaa le ti ala oko oko kue na ngonzo; be ti lo awara vundu ngbanga ti sioni be ti ala. Lo tene na koli ni: “Yoro ya ti maboko ti mo.” Lo yoro ni si maboko ti lo akiri aga nzoni.

Nzoni Tënë so Luc asu na mbeti 22:61

*Kota Gbia abaa ndo na peko, lo baa le ti Pierre si Pierre adabe ti lo na tënë so Kota Gbia atene: “Laso, kozo titene koli-kondo atoto, fade mo yeke bere tënë ti mbi fani ota.”

Nzoni Tënë so Luc asu na mbeti 4:8

Jésus akiri tënë na lo: “Mbeti ti Nzapa atene: ‘Mo voro *Kota Gbia, Nzapa ti mo si mo sara kua gi na lo oko!’ ”

Nzoni Tënë so Luc asu na mbeti 9:55

Me Jésus abi le ti lo, lo baa ala, lo suku na ala

1 Korente 5:5

mbi hunda na ala ti zia mara ti zo tongaso na maboko ti Satan si Satan abuba tere ti lo, tongaso si yingo ti zo ni alingbi ti soo kuâ na lango ti gango ti Kota Gbia.

Filipe 3:19

Lege ti kuâ laa ala yeke gue daa so. Nzapa ti ala ayeke gi ya ti ala, ye so ayeke zia kamene na le ti azo ni so, ala yeke wara ti ala gonda daa. Ala zia be ti ala kue gi na ndö ti aye ti dunia so.

1 Timothée 5:20

Azo so asara siokpari, mo suku na ala na le ti azo kue, tongaso si mbeto agbu atanga ni.

Tite 1:13

Tënë so lo tene so ayeke taa-tënë. Ndani laa, alingbi mo suku na ala ngangu si mabe ti ala aduti na legeni;

1 Pierre 4:1

Christ abaa pasi na ya ti tere ti lo ti zo. Tongaso, ala nga, ala hinga biani na be ti ala atene, zo so abaa pasi na ya ti tere ti lo ti zo, lo kangbi na siokpari awe. Alingbi tënë so aduti na be ti ala tongana mbeni ye ti bira.

1 Jean 2:15

Ala ye dunia so pepe, wala aye ti dunia ni. Zo so aye dunia so, andaa lo ye Babâ pepe.

Aye so Nzapa afa 3:19

Azo so kue mbi ye ala, mbi yeke pika ala si mbi yeke kiri ala na nzoni lege. Zia be ti mo kue na sarango kua, zia sioni lege ti sarango ye ti mo!