Marc 8:30 - Mbeti ti Nzapa - Tënë so amu fini

³⁰ Tongaso Jésus agboto mê ti ala ngangu ti tene tënë ni na zo oko pepe.

Marc 8:30 Iomraidhean Croise

Matthieu 16:20

Na pekoni, Jésus amu yanga na adisiple ti lo, atene: “Ala tene na zo pepe atene, mbi yeke *Mesii.”

Matthieu 8:4

Na pekoni, Jésus atene na lo: “Ma mbi nzoni! Mo tene tënë ni na zo oko pepe; me mo gue, mo fa tere ti mo na wayango-sandaga titene lo baa mo, mo mu *sandaga so Moïse amu ando yanga ti mungo ni so, tongaso si mo fa na le ti azo kue so, tere ti mo aga nzoni awe.”

Marc 7:36

Jésus amu yanga na ala titene ala tene tënë ni na zo oko pepe. Me lakue tongana lo yeke ke na ala ti fa na azo tënë ti aye so lo sara, ala kiri adekongo na ni ahon ti kozoni.

Marc 8:26

Tongaso Jésus atene na lo ti kiri na da ti lo; lo tene na lo: “Mo kiri na ya ti kodro ni pepe.”

Marc 9:9

So ala londo na ndö ti hoto ni si ala yeke zu, Jésus amu yanga na ala, atene: “Ala tene tënë ti ye so ala baa so na zo oko pepe, ngbii asi na ngoi so *Molenge ti Zo ayeke zingo ande na kuâ.”

Nzoni Tënë so Luc asu na mbeti 9:21

Jésus asuku na ala ngangu titene ala tene tënë ni na zo oko pepe.