Marc 8:23 - Mbeti ti Nzapa - Tënë so amu fini

²³ Jésus agbu maboko ti waziba ni si asigigi na lo na ya ti kodro ni. Na pekoni, lo tuku ngu ti yanga ti lo, lo zia na le ti zo ni; lo zia maboko na ndö ti lo si lo hunda lo, atene: “Mo baa mbeni ye?”

Marc 8:23 Iomraidhean Croise

Ésaïe 44:2

*KOTA GBIA so asara mo, lo so lo leke mo gi so mo de na ya ti mama ti mo, lo so lo yeke mu maboko na mo, tënë so lo tene ayeke so: Jacob, zo ti kua ti mbi, sara mbeto pepe, mo Yeshurun so mbi soro mo.

Ésaïe 51:18

Na popo ti amolenge so kue mo du ala, mbeni oko so afa lege na mo ayeke daa pepe; na popo ti amolenge so kue mo bata ala, mbeni oko so agbu maboko ti mo ayeke daa pepe.

Jérémie 31:32

Mbuki ni ayeke duti nde na ti so lani mbi na akotara ti ala e sara na ngoi so mbi gbu maboko ti ala ti sigigi na ala na Ezipte. Akotara ti ala abuba tënë ti ya ti mbuki ni, ataa so mbi laa mbi yeke lani wa ti ala; so tënë ti yanga ti KOTA GBIA laa.

Marc 5:23

si lo voro Jésus mingi ti mu na lo maboko; lo tene: “Molenge ti mbi ti wali aga nduru ti kui. Mo ga, mo zia maboko ti mo na ndö ti lo titene lo soo kuâ si lo ngba na fini!”

Marc 7:33

Tongaso Jésus amu lo gi lo oko, ague na lo yongoro na tere ti azo. Lo yoro ali ti maboko ti lo na ya ti mê ti koli ni, lo tuku ngu ti yanga ti lo si lo ndu na menga ti koli ni.

Marc 8:24

Waziba ni azi le ti lo si lo tene: “Mbi baa azo, ala yeke tongana akeke, me ala yeke tambula.”

Marc 8:26

Tongaso Jésus atene na lo ti kiri na da ti lo; lo tene na lo: “Mo kiri na ya ti kodro ni pepe.”

Awatokua 23:19

Kota komanda ni agbu maboko ti molenge ni, lo gue na lo yongoro kete si lo hunda lo, lo tene: “Tënë ti nyen laa mo ye ti tene na mbi?”

Awatokua 9:8

Saul alondo na sese, lo zi le ti lo, me lo baa ndo pepe. Azo ni agbu maboko ti lo si ala gue na lo na Damas.

Ahebro 8:9

Mbuki ni ayeke duti nde na ti so lani mbi na akotara ti ala e sara na ngoi so mbi gbu maboko ti ala ti sigigi na ala na Ezipte. Kota Gbia atene: Akotara ti ala angba na ya ti mbuki ni pepe, nilaa mbi nga, mbi do ala, mbi zia.

Aye so Nzapa afa 3:18

Ndani laa mbi yeke mu wango na mo titene mo vo lôro so a kporo ni na wâ si a zi asioni ye kue daa so; vo ni na maboko ti mbi si mo ga zo ti mosoro. Vo nga abongo na maboko ti mbi titene mo yu si azo abaa tere ti mo so ayeke senge so pepe. Vo yoro ti le na maboko ti mbi, mo zia na le ti mo si mo kiri mo baa ndo nzoni.