Marc 8:17 - Mbeti ti Nzapa - Tënë so amu fini

¹⁷ Jésus ahinga tënë so ala yeke tene na popo ti ala si lo hunda ala, lo tene: “Ngbanga ti nyen ala tene: ‘E yeke na mapa pepe’? Ala de ti hinga ndo pepe? Ala ma ya ti tënë ni pepe? Ala yeke na ndara pepe?

Marc 8:17 Iomraidhean Croise

Ésaïe 63:17

KOTA GBIA, mo zia e, e tambula kirikiri yongoro na lege ti mo ngbanga ti nyen? Mo sara si be ti e akpengba si e ke ti kpe mbeto ti mo ngbanga ti nyen? Ndali ti e, azo ti kua ti mo, amara so aga azo ti mo, kiri, mo ga!

Matthieu 12:15

So Jésus ama tënë ti ye so ala ye ti sara na lo, lo londo na ndo so si lo hon. Gba ti azo amu peko ti lo, lo kai kobela ti ala kue.

Matthieu 15:17

Ala hinga kue atene, aye so kue ali na yanga ti zo, ague, asi na ya ti lo si na pekoni, ague na ya ti du.

Matthieu 16:7

Adisiple atene na popo ti ala: “Lo yeke tene tënë so, ngbanga ti so e mu mapa pepe.”

Marc 16:14

Ti hunzi na ni, Jésus afa tere ti lo na adisiple ti lo baleoko na oko na ndembe so ala yeke te kobe. Lo suku na ala, ngbanga ti so ala dekite, ala kpengba be ti ala si ala ke ti yeda na tënë ti azo so abaa lo na peko ti so lo zingo na kuâ.

Marc 2:8

Gi hio tongaso, Jésus ahinga tënë ti be ti ala si lo hunda ala, lo tene: “Ala yeke tene mara ti atënë tongaso na be ti ala ngbanga ti nyen?

Marc 3:5

Jésus abaa le ti ala oko oko kue na ngonzo; be ti lo awara vundu ngbanga ti sioni be ti ala. Lo tene na koli ni: “Yoro ya ti maboko ti mo.” Lo yoro ni si maboko ti lo akiri aga nzoni.

Marc 6:52

ngbanga ti so ala hinga nda ti ye ti kpene ti amapa so pepe. Ala ngba ti kpengba be ti ala.

Marc 8:16

Adisiple atene na popo ti ala: “E yeke na mapa pepe.”

Nzoni Tënë so Luc asu na mbeti 24:25

Tongaso Jésus atene na ala: “Ala azo so li ti ala ayeke daa pepe so, tënë so kue awayanga-Nzapa atene ando so, ala ma na be na ni hio pepe!

Jean 16:30

Ti fadeso, e hinga, e tene, mo hinga ye kue, mo lingbi titene zo akiri ahunda mo na mbeni tënë pepe. Ndani laa e ma na be so, mo londo na Nzapa si mo ga.”

Jean 21:17

Jésus akiri ahunda lo ti fani ota ni, atene: “Simon, molenge ti Jean, mo ye mbi?” Vundu asara Pierre, ngbanga ti so Jésus ahunda lo fani ota, atene: “Mo ye mbi?” Tongaso lo tene na Jésus: “Kota Gbia, mo hinga ye kue, mo hinga so mbi ye mo!” Jésus atene na lo: “Bata ataba ti mbi.

Aye so Nzapa afa 2:23

Fade mbi yeke fâ azo so kue ayeke mu peko ti wali ni. Na pekoni, a-Eglize kue ayeke hinga atene, mbi yeke lo so lo hinga tënë so ayeke na ya ti be ti zo nga na nzara ti be ti zo. Fade mbi yeke futa zo oko oko alingbi na ye so lo sara.