Marc 8:13 - Mbeti ti Nzapa - Tënë so amu fini

¹³ Na pekoni, lo zia ala, lo ko na ya ti ngo si lo fâ ngu, lo gue na mbage ti ngu ni.

Marc 8:13 Iomraidhean Croise

Abia (Psaumes) 81:12

Me azo ti mbi ama yanga ti mbi pepe, azo ti Israel aye tënë ti mbi pepe.

Jérémie 23:33

*KOTA GBIA atene na Jérémie: “Tongana azo so, wala mbeni wayanga-Nzapa, wala mbeni wayango-sandaga ahunda mo, atene: ‘Nengo tënë ti KOTA GBIA so lo zia na ndö ti e tongana nengo kungba so ayeke so wa?’ Fade mo kiri tënë na ala, mo tene: ‘Ala laa ayeke nengo kungba ni. Ndani laa, fade mbi yeke bi ala yongoro; so tënë ti yanga ti KOTA GBIA laa.’

Osée 4:17

Azo ti Efraim abongbi na ayanda; zia ala!

Osée 9:12

Ataa ala yeke bata amolenge-koli, mbi yeke kanga lege na ala titene ala kono. Biani, mawa na ala, azo ti Efraim, tongana mbi hon yongoro na tere ti ala!

Matthieu 15:14

Ala zia afarizien ni: ala yeke awaziba, ala ye ti fa lege na amba ti ala awaziba! Tongana waziba afa lege na mbeni mba ti lo waziba, fade ala use kue ayeke ti na ya ti du!”

Matthieu 7:6

“Ye so a zia ni nde ndali ti Nzapa, ala bi ni na ambo pepe, ngbanga ti fade ambo ni ayeke kiri na tere ti ala ti te ala. Ala tuku alenge ti ala na anguru pepe, ngbanga ti fade anguru ni ayeke do ni na gere ti ala.”

Marc 8:12

Jésus awu ngangu si lo tene na ala: “Ngbanga ti nyen si azo ti fadeso ayeke hunda mbeni ye ti kpene so? Mbi tene na ala taa-tënë: fade azo so ayeke baa mbeni ye ti kpene oko pepe!”

Marc 8:14

Adisiple ti Jésus agirisa ti mu mapa; ala yeke gi na mapa oko na ya ti ngo ni.

Nzoni Tënë so Luc asu na mbeti 8:37

Azo ti sese ti Zeraza kue ahunda na Jésus ti londo na ndo ti ala ti hon, ngbanga ti so kota mbeto agbu ala mingi. Jésus ako na ya ti ngo si lo kiri.

Jean 12:36

Na ngoi so lo so lo yeke lumiere ayeke na tere ti ala, ayeke nzoni ala ma na be na lo si ala ga azo so ayeke duti na ya ti lumiere.” Na peko ti tënë so Jésus ahon, lo honde tere ti lo si ala baa lo pepe.

Jean 8:21

Jésus akiri atene na ala: “Mbi yeke gue; fade ala yeke gi mbi, me ala yeke kui na ya ti siokpari ti ala. Ala lingbi ti gue pepe na ndo so mbi yeke gue daa.”

Awatokua 18:6

Me so ala ke tënë ni si ala zonga lo, lo pika sese ti tere ti bongo ti lo na ala si lo tene: “Ayeke nzoni mene ti ala angba na li ti ala wani; ngbanga ti mbi ayeke daa pepe. Fadeso, mbi yeke gue na mbage ti azo ti amara nde.”

Awatokua 27:2

E ko na ya ti mbeni mangboko ti gbata ti Adramite so ayeke gue na mbage ti Azii. E na Aristarke laa e gue; lo yeke zo ti gbata ti Tesalonike, na sese ti Masedoane.