Marc 8:12 - Mbeti ti Nzapa - Tënë so amu fini

¹² Jésus awu ngangu si lo tene na ala: “Ngbanga ti nyen si azo ti fadeso ayeke hunda mbeni ye ti kpene so? Mbi tene na ala taa-tënë: fade azo so ayeke baa mbeni ye ti kpene oko pepe!”

Marc 8:12 Iomraidhean Croise

Ésaïe 53:3

Azo abaa lo tongana mbumbuse zo, azo ado lo azia. Lo yeke zo so ye aso lo, lo hinga ye so iri ni pasi. Lo kpa zo so mbeni zo alingbi ti baa lo na le fani use pepe. E baa lo tongana mbumbuse zo, e ne lo oko pepe.

Matthieu 12:38

Tongaso, ambeni wafango-ndia na ambeni *farizien atene na Jésus: “Wafango-ye, e ye titene mo sara mbeni ye ti kpene si e baa.”

Matthieu 16:4

Azo ti fadeso ayeke azo ti sioni, ala yeke ma yanga ti Nzapa pepe! Ala yeke hunda ti baa mbeni ye ti kpene, me fade ala yeke baa mbeni ye ti kpene oko pepe, gi ye ti kpene so asi ando na Jonas so alingbi awe!” Na pekoni, Jésus azia ala na ndo so si lo mu lege, lo hon.

Marc 3:5

Jésus abaa le ti ala oko oko kue na ngonzo; be ti lo awara vundu ngbanga ti sioni be ti ala. Lo tene na koli ni: “Yoro ya ti maboko ti mo.” Lo yoro ni si maboko ti lo akiri aga nzoni.

Marc 6:6

Li ti lo akpe ngbanga ti so azo ni ake ti ma na be. Na pekoni, Jésus ague ti fa ye na azo na ya ti akete kodro so ayeke na tere ti Nazaret.

Marc 7:34

Na pekoni, lo yo le ti lo na nduzu, lo wu si lo tene na koli ni: “Efata!”, so ti tene: “Zi tere ti mo!”

Marc 8:13

Na pekoni, lo zia ala, lo ko na ya ti ngo si lo fâ ngu, lo gue na mbage ti ngu ni.

Marc 9:19

Jésus atene na ala: “Ala azo ti fadeso, ala so ayeke na mabe pepe so! Fade mbi yeke ngba ti duti na tere ti ala ngbii asi lawa? Fade mbi yeke ngba ti kanga be ti mbi na ala ngbii asi lawa? Ala ga na mbi molenge ni!”

Nzoni Tënë so Luc asu na mbeti 19:41

Jésus asi nduru na Jérusalem, lo baa gbata ni si lo toto ndali ni.