Marc 8:11 - Mbeti ti Nzapa - Tënë so amu fini

¹¹ *Afarizien asi si ala to nda ti *bingbi tënë na Jésus. Ala ye ti sara si lo ti na ya ti gbanda ti ala; nilaa ala hunda na lo titene lo sara mbeni ye ti kpene ti fa na ala so Nzapa laa atokua lo.

Marc 8:11 Iomraidhean Croise

Sigingo 17:2

Azo ni agi yanga ti Moïse, atene: “Mu na e ngu, e nyon!” Moïse akiri tënë na ala: “Ala yeke gi yanga ti mbi ngbanga ti nyen? Ala yeke tara be ti KOTA GBIA ngbanga ti nyen?”

Sigingo 17:7

Lo di iri ti ndo ni Masa, so ti tene “Tarango be”, na Meriba, so ti tene “Gingo yanga”. Biani, na ndo so laa azo ti Israel agi yanga ti Moïse si ala tara be ti KOTA GBIA, atene: “KOTA GBIA ayeke na popo ti e, wala lo yeke na popo ti e pepe?”

Malashii 3:15

Ti fadeso, e lingbi ti tene: azo ti baba laa ayeke duti nzoni. Ataa azo ti sioni, aye ti ala ayeke ga nzoni. Tongana ala gi yanga ti Nzapa, ye oko ayeke sara ala pepe!’ ”

Matthieu 12:38

Tongaso, ambeni wafango-ndia na ambeni *farizien atene na Jésus: “Wafango-ye, e ye titene mo sara mbeni ye ti kpene si e baa.”

Matthieu 19:3

Ambeni *farizien aga nduru na tere ti lo ti sara si lo ti na ya ti gbanda ti ala. Ala hunda lo, atene: “*Ndia ti e amu lege na koli ti tumba wali ti lo ndali ti atënë nde nde kue?”

Matthieu 21:23

Jésus ali na ya ti kota da ti Nzapa si lo yeke fa ye. Tongaso, akota wayango-sandaga na *akangba ti azuife aga nduru na tere ti lo si ala hunda lo, atene: “Na iri ti zo wa laa mo yeke sara aye so? Zo wa laa amu lege na mo ti sara ni, zo wa?”

Matthieu 22:15

Tongaso *Afarizien ague, abongbi tere ti ala ti gi lege titene gi na lege ti tënë ti yanga ti lo wani, Jésus ati na ya ti gbanda ti ala.

Matthieu 22:18

Jésus ahinga sioni be ti ala si lo tene na ala: “Ala azo so tënë ti yanga ti ala ayeke nde na sarango ye ti ala so, ngbanga ti nyen ala ye ti sara si mbi ti na ya ti gbanda ti ala?

Matthieu 22:23

Gi na lango ni so, *asadusien aga nduru na tere ti Jésus. – Asadusien ayeke azo so atene, akuâ ayeke zingo pepe. – Ala hunda Jésus,

Marc 12:15

Me Jésus ahinga atene, tënë ti yanga ti afarizien ayeke nde na sarango ye ti ala. Tongaso lo tene na ala: “Ngbanga ti nyen ala ye ti sara si mbi ti na ya ti gbanda ti ala? Ala ga na mbi mbeni le ti nginza, mbi baa.”

Marc 2:16

So Jésus na azo ti rongo nginza ti lapo na azo ti siokpari ayeke te kobe, ambeni *farizien so ayeke awafango-ndia abaa lo si ala hunda adisiple ti lo, atene: “Ngbanga ti nyen si lo yeke te kobe na azo ti rongo nginza ti lapo na azo ti siokpari?”

Marc 9:16

Jésus ahunda adisiple ti lo, atene: “Nyen laa ala na azo so ayeke bingbi tënë ndali ni so?”

Nzoni Tënë so Luc asu na mbeti 10:25

Mbeni wafango-ndia aye ti sara si Jésus ati na ya ti gbanda ti lo si lo hunda lo: “Wafango-ye, nyen laa mbi lingbi ti sara ti wara fini so angba lakue lakue?”

Nzoni Tënë so Luc asu na mbeti 11:16

Ti ambeni zo ni, ala ye ti sara si lo ti na ya ti gbanda ti ala. Nilaa ala hunda na lo titene lo sara mbeni ye ti kpene ti fa atene, lo londo na Nzapa.

Jean 4:48

Jésus atene na lo: “Tongana ala baa ye ti kpene na ye ti dongo pepe, fade ala yeke ma na be oko pepe!”

Jean 6:30

Ala kiri tënë na lo, atene: “Nyen laa mo yeke sara titene e baa si e ma na be na mo? Ye so mo yeke sara ande ayeke nyen?

Jean 7:48

Mbeni makonzi ti e wala mbeni farizien oko so ama na be na lo ayeke daa?

Jean 8:6

Ala hunda tënë so ti sara si Jésus ati na ya ti gbanda ti ala si ala lingbi ti wara mbeni tënë ti bi na li ti lo. Me Jésus aba tere ti lo na sese si lo yeke su mbeti na sese na li ti maboko ti lo.

Awatokua 5:9

Tongaso Pierre atene na lo: “Ngbanga ti nyen si mo na koli ti mo, ala leke na be ti ala ti tara Yingo ti *Kota Gbia so? Baa, akoli so alu koli ti mo ayeke na yanga ti da. Fade ala yeke mu nga mo ti gue na mo!”

1 Korente 10:9

E tara be ti Christ pepe tongana ti so ambeni na popo ti akotara asara ando si angbo ate ala, ala kui so.

Ndia ti fani use ni 6:16

Ala tara be ti KOTA GBIA Nzapa ti ala pepe, tongana ti so ala sara lani na Masa so.