Marc 7:7 - Mbeti ti Nzapa - Tënë so amu fini

⁷ Vorongo so ala yeke voro mbi, ayeke gi senge senge, ngbanga ti so ala yeke fa gi andia so azo laa asigigi na ni.’ ”

Marc 7:7 Iomraidhean Croise

Ésaïe 29:13

*KOTA GBIA atene: “Azo so ayeke ga nduru na mbi gi na lege ti atënë senge, ala yeke ne mbi gi na atënë ti yanga senge, me be ti ala ayeke yongoro na mbi. Kpengo so ala yeke kpe mbi ayeke gi na lege ti ndia so azo afa na ala.

Malashii 3:14

Ala tene: ‘E yeke sara kua ti Nzapa gi senge senge. E sara ye alingbi na tënë ti yanga ti lo, e sara mua na dawa ti KOTA GBIA so ayeke na ndö ti dunia kue; nyen laa e wara na peko ni, nyen?

Matthieu 15:9

Vorongo so ala yeke voro mbi so, ayeke gi senge senge, ngbanga ti so ala yeke fa gi andia so azo laa asigigi na ni.’ ”

Matthieu 6:7

“Tongana ala yeke sambela, ala diko gba ti atënë pepe tongana ti azo so ahinga Nzapa pepe: azo ni abaa ti ala atene, na lege ti dikongo gba ti atënë si fade Nzapa ayeke ma ala.

1 Korente 15:14

Tongana Christ azingo na kuâ pepe, andaa tënë so e yeke fa ayeke senge senge, mabe ti e nga ayeke gi senge senge.

1 Korente 15:58

Tongaso, a-ita ti mbi so mbi ye ala mingi, ala luti ngangu, ye ayingi ala pepe! Ala ngba lakue na sarango kua ti Kota Gbia. Ayeke nzoni, ala hinga atene, kua so ala yeke sara na Kota Gbia, peko ni ayeke ngba senge pepe.

Kolose 2:22

So kue ayeke gi andia so a leke ndali ti aye so ayeke hon hongo na peko ti so azo asara kua na ni. So ayeke gi andia na afango ye ti li ti azo laa!

Tite 3:9

Me mo kpe lege ti gingo nda ti asenge senge tënë: tënë ti nda ti mara ti azo, apapa na *abingbingo tënë na ndö ti atënë ti *Ndia. Aye so kue ayeke senge senge, zo alingbi ti wara ye daa pepe.

Jacques 1:26

Tongana mbeni zo atene na be ti lo atene, ni yeke voro Nzapa si lo bata yanga ti lo pepe, andaa lo yeke handa tere ti lo wani; vorongo Nzapa ti lo ni ayeke gi senge senge.

Jacques 2:20

Mo so li ti mo ayeke daa pepe so, tongana mbeni zo ayeke na mabe si kua ni ayeke daa pepe, mabe ti lo ni ayeke gi senge senge; mo ye mbi fa na mo?

Aye so Nzapa afa 22:18

Azo so kue ayeke ma tënë ti peko ti yanga ti Nzapa so ayeke na ya ti buku so, mbi Jean, mbi tene tënë so mbirimbiri na ala: tongana mbeni zo azia mbeni tënë na ndö ni, fade Nzapa ayeke zia aye ti sioni so a tene tënë ni na ya ti buku so na ndö ti lo.

1 Samuel 12:21

Ala gue yongoro na lo pepe; tongaso pepe, fade ala yeke gue na peko ti anzapa so ayeke asenge ye, anzapa so alingbi nga ti zi ala na ya ti ye ti ngangu pepe, ngbanga ti so anzapa ni ayeke asenge ye.