Marc 7:5 - Mbeti ti Nzapa - Tënë so amu fini

⁵ Afarizien na awafango-ndia ahunda Jésus, atene: “Ngbanga ti nyen si adisiple ti mo akpe ndia ti akotara ti e pepe si ala yeke te kobe na *asioni maboko ti ala so?”

Marc 7:5 Iomraidhean Croise

Matthieu 15:2

“Ngbanga ti nyen si adisiple ti mo ake tënë ti ndia ti akotara so? Kozo titene ala te kobe, ala yeke sukula maboko ti ala pepe.”

Marc 7:13

Na sarango ye tongaso, ala yeke buba ya ti tënë ti Nzapa na lege ti andia so ala yeke fa ni na popo ti ala. Ala sara gi mara ti aye tongaso mingi.”

Marc 7:8

Jésus atene na ala: “Ala afarizien na awafango-ndia, ala zia ndia ti Nzapa si ala yeke bata gi lege ti andia ti akotara ti ala.”

Marc 7:9

Lo kiri lo tene na ala: “Ala ke biani ti sara ye so Nzapa ahunda na ala si ala yeke bata gi andia ti akotara ti ala!

Awatokua 21:21

Ambeni zo atene na ala, atene: mo yeke fa na azuife so ayeke na popo ti ambeni mara nde titene ala zia lege ti ye so Moïse afa. Mo tene nga na ala, mo tene, ala fâ amolenge ti ala na *ganza pepe si ala zia ti sara aye ti akotara ti azuife.

Awatokua 21:24

Mu ala, mo gue na ala si mo na ala *asukula asioni ti ala, mo futa aye kue ndali ti ala, na pekoni ala lingbi ti kio kua ti li ti ala. Tongaso, fade azo kue ayeke hinga atene, atënë so azo atene na iri ti mo so ayeke taa-tënë pepe, me mo nga, mo yeke bata ndia ti Moïse.

Rome 4:12

Lo yeke nga babâ ti azo so kue afâ ganza awe, so ti tene ala so azia be ti ala gi na ndö ti fango ganza pepe, me ala yeke sara ye na lege ti mabe tongana babâ ti e Abraham: lo ma na be na Nzapa kozoni si lo fâ ganza.

Galasii 1:14

Na lege ti vorongo Nzapa ti azuife, amba ti mbi azuife so ngu ti mbi na ala ayeke oko, mbi hon ala kue. Mbi yeke na nzara mingi ti sara ye alingbi na aye ti akotara ti e.

2 Tesalonike 3:11

Andaa e yeke ma a tene, ambeni zo na popo ti ala ayeke azo ti sopo, ala yeke sara kua oko pepe, me ala yeke yoro yanga ti ala na ya ti atënë ti azo.

2 Tesalonike 3:6

A-ita, e hunda na ala na iri ti *Kota Gbia Jésus Christ ti kpe lege ti a-ita so kue ayeke azo ti sopo, so sarango ye ti ala ayeke nde na tënë so e fa na ala kozoni so.