Marc 7:37 - Mbeti ti Nzapa - Tënë so amu fini

³⁷ Azo so ama tënë ni, li ti ala kue akpe si ala tene: “Ye so kue lo yeke sara ayeke nzoni mingi! Lo yeke sara nga si azo so mê ti ala akanga ama ndo si abuburu atene tënë!”

Marc 7:37 Iomraidhean Croise

Tongo nda ti aye 1:31

Nzapa abaa aye so kue lo sara: aye ni ayeke nzoni mingi. Lakui ahon, ndaperere asi. Omene lango laa.

Abia (Psaumes) 139:14

KOTA GBIA, mbi mu singila na mo ngbanga ti so mo sara mbi na lege ti ye ti kpene; aye so mo sara ayeke aye ti dongo be. Biani, mbi hinga ni nzoni.

Ésaïe 29:18

Na lango ni so, azo so mê ti ala akanga, fade ala yeke ma atënë so a tene na ya ti mbeti; azo so le ti ala abuba ayeke sigigi na ya ti vukongo ndo so avuko pitipiti si ala yeke baa ndo.

Matthieu 9:32

Na ndembe so Jésus na adisiple ti lo asigigi ti hon, azo aga na mbeni koli na lo; lo yeke buburu, ngbanga ti so mbeni sioni yingo ayeke na ya ti lo.

Marc 1:27

Li ti azo ni kue akpe si ala hunda tere ti ala, atene: “So nyen! Mbeni fini fango ye ni laa tongana ti zo ti komandema so? Ataa asioni yingo, lo mu yanga na ala si ala yeke ma gi yanga ti lo!”

Marc 2:12

Gi hio tongaso, koli ni alondo na le ti azo kue, lo mu kelekpa ti lo si lo gue. Azo so ayeke kâ si abaa lo, li ti ala kue akpe; ala gonda Nzapa, atene: “E de ti baa mara ti ye tongaso laoko pepe!”

Marc 4:41

Me tere ti ala kue ado, ala hunda tere ti ala, atene: “Zo so ayeke zo wa si pupu na ngu kue ayeke ma yanga ti lo so?”

Marc 5:42

Gi hio tongaso, molenge-wali ni alondo si lo tambula. Lo yeke lani na ngu baleoko na use. So azo abaa ye so asi, li ti ala kue akpe.

Marc 6:51

Na pekoni, lo ko na ya ti ngo na tere ti ala si pupu ni akai. Li ti adisiple ti lo kue akpe,

Marc 7:36

Jésus amu yanga na ala titene ala tene tënë ni na zo oko pepe. Me lakue tongana lo yeke ke na ala ti fa na azo tënë ti aye so lo sara, ala kiri adekongo na ni ahon ti kozoni.

Marc 8:1

Na ngoi ni so, gba ti azo akiri abongbi tere ti ala. So azo ni ayeke na ye ti tengo ni pepe, Jésus airi adisiple ti lo si lo tene na ala:

Nzoni Tënë so Luc asu na mbeti 23:41

Ti e, ye ni ayeke na legeni, ngbanga ti so e yeke wara gi aye ti peko ti ye so e sara; me ti lo, lo sara mbeni ye ti sioni oko pepe.”

Awatokua 14:11

So azo ni abaa ye so Paul asara, ala to nda ti dekongo na yanga ti kodro ti azo ti Likaonii, atene: “Anzapa amu tere ti zo si ala ga na popo ti e!”