Marc 7:31 - Mbeti ti Nzapa - Tënë so amu fini

³¹ Jésus alondo na sese ti Tir, lo hon na ya ti sese ti Sidon; lo fâ, lo hon na ya ti Agbata-Baleoko si lo kiri na mbage ti kota ngu ti Galile.

Marc 7:31 Iomraidhean Croise

Matthieu 11:21

Lo tene na ala: “Mawa na mo, gbata ti Korazen! Mawa na mo, gbata ti Betsaida! Biani, tongana aye ti kpene so asi na ndo ti ala so asi ando na sese ti Tir na ti Sidon, ka azo ni ayu bongo ti mua, ala tuku mburu ti wâ na li ti ala aninga awe ti fa atene, ala zia ngbene lege ti sarango ye ti ala awe!

Matthieu 4:18

So Jésus ayeke tambula na yanga ti kota ngu ti Galile, lo baa a-ita use so ayeke azo ti gingo susu: Simon so mbeni iri ti lo ayeke Pierre, lo na ita ti lo André; ala yeke bi gbanda ti ala na ya ti kota ngu ni ti gi na asusu.

Matthieu 4:25

Gba ti azo amu peko ti Jésus; ambeni alondo na Galile, ambeni alondo na ya ti Agbata-Baleoko, ambeni alondo na Jérusalem, na Judée nga na kodro so ayeke na mbage ti ngu ti Jourdain si aga.

Marc 5:20

Koli ni ague si lo to nda ti fa tënë ti ye so kue Jésus asara na lo so na ya ti Agbata-Baleoko. Azo so kue ama tënë ni, li ti ala kue akpe.

Marc 7:24

Na pekoni, Jésus alondo na ndo so si lo gue na sese ti Tir. Lo li na ya ti mbeni da si lo ye titene azo ahinga ndo so lo yeke daa pepe; me lo honde tere ti lo gbaa.

Marc 7:30

So lo kiri na da ti lo, lo baa molenge ni ayeke lango na ndö ti gbogbo; sioni yingo ni asigigi na ya ti lo awe.