Marc 7:22 - Mbeti ti Nzapa - Tënë so amu fini

²² gingo wali wala koli ti zo, sarango nzara ti ye ti zo, sioni be, handango zo, sarango ye ti kirikiri, kota be, tenengo sioni tënë na iri ti zo, sarango baba nga na sarango ye ti buba.

Marc 7:22 Iomraidhean Croise

2 Mbai 32:31

Me tongana amakonzi ti Babilone atokua azo na Ezekias titene ala hunda tënë ti ye ti dongo be so asi na ya ti kodro ti lo, Nzapa ado Ezekias azia lo ti tara be ti lo, tongaso si lo hinga ye so kue ayeke na be ti Ezekias.

Abia (Psaumes) 10:4

Na lege ti baba ti lo, zo ti sioni ayeke hunda tere ti lo pepe. Ti be ti lo, lo tene: “Nzapa ayeke daa lawa!”

Abia (Psaumes) 119:36

Sara si mbi gi ti wara ye gi ndali ti mbi wani pepe, me mbi gi lege ti sara aye so mo hunda.

Amato 12:23

Zo ti hango le ayeke honde ye so lo hinga; me azo ti buba afa polele tënë ti buba ti ala.

Amato 22:15

Kua ti amolenge ayeke sarango aye ti buba. Me tongana a pika ngbonda ti ala, fade ala yeke zia lege ni.

Amato 23:6

Mo te kobe ti zo ti sioni be pepe; sara nzara ti anzoni kobe ti lo pepe.

Amato 24:9

Ye so zo ti buba agbu li ti lo daa ayeke lakue gi siokpari; zo ti hengo ndo, be ti azo ake lo mingi.

Amato 27:22

Ataa mo pika zo ti buba na ya ti kpu tongana ti so a yeke pika ale ti kobe, mo yeke sara gbaa, asarango ye ti buba ti lo ayeke ngba lakue na tere ti lo.

Amato 28:22

Zo so be ayeke sara lo, lo yeke kpe kpengo na peko ti mosoro; me lo hinga pepe atene, fade yere ayeke ti na ndö ti lo.

Zo ti bongbingo azo 7:25

Tongaso mbi zia be ti mbi kue ti hinga ye, ti gi nda ti ye, ti gi ndara, ti gbu li ti mbi na legeni. Mbi hinga so dutingo sioni zo wala zo so li ti lo ayeke daa pepe ayeke ye ti buba.

Ésaïe 59:13

e ke ndia ti mo, e bere tënë ti mo, e ke ti mu peko ti mo, Nzapa ti e, e tene gi atënë ti sarango ngangu na zo nga na sarango ngangu li. Ye so e leke na be ti e na ye so e gbu li ti e daa ayeke gi atënë ti mvene.

Ésaïe 59:7

Ala yeke mu loro ti sara sioni, ala yeke kpe ti gue ti tuku mene ti zo so asara sioni pepe. Gbungo-li ti ala ayeke gi ti sara sioni; na ndö ti alege so kue ala yeke hon daa, gi sarango ngangu na zo nga na bubango ye.

Jérémie 17:9

“Be ti zo ayeke handa zo ahon tanga ti aye kue; zo alingbi ti kai kobela ni pepe. Zo wa laa alingbi ti hinga be ti zo?”

Matthieu 20:15

Mbi lingbi ti sara ye so be ti mbi aye na nginza ti mbi pepe? Be ti mo aso, ngbanga ti so mbi yeke zo ti nzoni be?’

Matthieu 6:23

Me tongana le ti mo abuba, tere ti mo kue ayeke na ya ti vukongo ndo. Tongana vurungo ndo so ayeke na ya ti mo avuko awe, fade akiri avuko pitipiti!”

Marc 7:21

Biani, asioni tënë ti be alondo na ya ti zo, na be ti lo si afa na lo lege ti sarango asioni ye: sarango ye ti ndumba, nzi, fango zo,

Marc 7:23

Asioni ye so kue alondo gi na ya ti zo si asara titene lo ga *sioni.”

2 Korente 10:5

E yeke buba nga aye so kue azo ti baba ayeke mu ti kanga lege na amba ti ala ti hinga Nzapa. E yeke kanga lege na atënë ti be ti azo kue ti sara si atënë ti be ti ala aga ngbaa si ala ma yanga ti Christ.

Ndia ti fani use ni 15:9

Me hange! Alingbi ala wara sioni gbungo-li pepe ti tene na be ti ala, atene: “Ngu mbarambara aga nduru ti lingbi awe, ngu ti zingo yongo na li ti azo.” Ita ti ala so ye atia lo, ala baa lo na sioni le pepe si ala ke ti mu ye na lo. Tongaso pepe, lo yeke toto na iri ti ala na KOTA GBIA si fade ye so ayeke ga siokpari ti ala.

Ndia ti fani use ni 28:54

Koli so na popo ti ala, lo woko mingi si lo yeke sara ngangu kua pepe, fade lo yeke baa ita ti lo na sioni le, legeoko na wali so ayeke lango na kate ti lo nga na tanga ti amolenge ti lo so ayeke ngba na lo.

Ndia ti fani use ni 28:56

Wali so na popo ti ala, maboko ti lo ayeke ndu ye oko pepe si lo yeke *wali-ndomo, wali so gbe ti gere ti lo alingbi ti ndu sese pepe, ngbanga ti so maboko ti lo ayeke ndu ye oko pepe si lo yeke wali-ndomo, fade lo nga, lo yeke baa koli so ayeke lango na kate ti lo na sioni le, legeoko na molenge ti lo ti koli na ti wali;

1 Pierre 2:15

Biani, ye so Nzapa aye ayeke titene ala sara nzoni ye si ala lingbi ti kanga yanga ti abuba zo so ahinga ye pepe so.

1 Pierre 5:5

Amaseka, ala nga, ala ma yanga ti akangba. Ala kue, na lege ti dutingo ti ala na popo ti amba ti ala, ala sara tere ti ala kete, ngbanga ti so Mbeti ti Nzapa atene: “Nzapa ake azo ti baba, me lo yeke sara nzoni be na azo so asara tere ti ala kete.”