Marc 7:2 - Mbeti ti Nzapa - Tënë so amu fini

² Ala baa so ambeni disiple ti lo ayeke mu *asioni maboko ti ala gi tongaso si ayeke te na kobe; ala sukula ni pepe.

Marc 7:2 Iomraidhean Croise

Matthieu 15:2

“Ngbanga ti nyen si adisiple ti mo ake tënë ti ndia ti akotara so? Kozo titene ala te kobe, ala yeke sukula maboko ti ala pepe.”

Marc 7:5

Afarizien na awafango-ndia ahunda Jésus, atene: “Ngbanga ti nyen si adisiple ti mo akpe ndia ti akotara ti e pepe si ala yeke te kobe na *asioni maboko ti ala so?”

Nzoni Tënë so Luc asu na mbeti 11:38

So farizien ni abaa Jésus ayeke te kobe, me lo sukula maboko ti lo kozoni pepe, li ti lo akpe.

Awatokua 10:28

Lo tene na ala: “Ala hinga kue: *Ndia amu lege pepe na zuife ti gue na ndo ti zo ti mbeni mara nde nga ti li na da ti lo. Me ti mbi, Nzapa afa na mbi atene, ayeke nzoni mbi baa mbeni zo tongana zo so ayeke *sioni pepe wala zo so alingbi pepe ti sara beoko na lo.

Awatokua 11:8

Me mbi tene: ‘Oko pepe, *Kota Gbia! Mbeni *sioni ye wala ye so *Ndia ake tënë ni ali na yanga ti mbi laoko pepe!’

Rome 14:14

Ti mbi, na lege ti gango so mbi ga oko na *Kota Gbia Jésus, mbi hinga biani so mbeni ye oko so ayeke *sioni ayeke daa pepe. Me tongana mbeni zo abaa mbeni ye tongana *sioni, ye ni ayeke *sioni gi na le ti zo ni.

Ahebro 10:29

Ti zo so abaa Molenge ti Nzapa buba na le ti lo, fade pasi ti zo ni ayeke hon ndoni. Andaa lo baa mene ti *mbuki so asukula asioni ti lo tongana senge ye na le ti lo si lo kiri lo tene sioni tënë na tere ti Yingo so ayeke sara nzoni be na zo.

Aye so Nzapa afa 21:27

Mbeni ye ti *sioni oko ayeke li na ya ti gbata so pepe, ataa zo ti sarango aye ti sioni so zo alingbi ti baa na le ti lo fani use pepe, ataa zo ti mvene, ayeke li daa pepe. Me gi azo so iri ti ala ayeke na ya ti mbeti ti Molenge ti Taba, mbeti so a su iri ti azo so ayeke na taa fini daa, ala laa ayeke li na ya ti gbata ni.