Marc 6:6 - Mbeti ti Nzapa - Tënë so amu fini

⁶ Li ti lo akpe ngbanga ti so azo ni ake ti ma na be. Na pekoni, Jésus ague ti fa ye na azo na ya ti akete kodro so ayeke na tere ti Nazaret.

Marc 6:6 Iomraidhean Croise

Ésaïe 59:16

Lo baa so zo oko ti sara ye ayeke daa pepe; li ti lo akpe, ngbanga ti so zo oko ti mu maboko ayeke daa pepe. Tongaso, maboko ti lo laa asara si lo so benda; mbirimbiri ti lo laa amu ngangu na lo ti sara ye ni.

Jérémie 2:11

Laoko ala baa mbeni mara so azia anzapa ti lo ti mu ambeni nde? Ataa so ala yeke anzapa pepe! Me azo ti mbi azia mbi, mbi so mbi yeke nengo ti ala, ala mu peko ti ye so alingbi ti sara mbeni ye oko pepe.

Matthieu 4:23

Jésus atambula na ya ti Galile kue; lo fa ye na azo na ya ti ada ti sambelango Nzapa ti kodro ni, lo fa Nzoni Tënë ti *Kodro-gbia ti yayu, lo kai akobela kue na tere ti azo, lo sara si azo so mbage ti tere ti ala abuba, aga nzoni.

Matthieu 8:10

So Jésus ama tënë so, lo gonda lo mingi si lo tene na azo so amu peko ti lo, lo tene: “Mbi tene na ala taa-tënë: mbi de ti baa mara ti mabe tongaso na kodro ti Israel pepe.

Matthieu 9:35

Jésus atambula na ya ti agbata kue, na akete kodro; lo fa ye na ya ti ada ti sambelango Nzapa ti azo ni, lo fa Nzoni Tënë ti *Kodro-gbia ti yayu, lo kai kobela na tere ti azo si ala so mbage ti tere ti ala abuba, lo sara si aga nzoni.

Marc 1:39

Tongaso Jésus atambula na ya ti ada ti sambelango Nzapa na sese ti Galile kue; lo fa Nzoni Tënë si lo tumba nga asioni yingo.

Marc 10:1

Na pekoni, Jésus alondo na ndo so si lo gue na sese ti Judée, na mbage ti ngu ti Jourdain. Gba ti azo akiri abongbi na tere ti lo si lo to nda ti fa ye na ala tongana ti so lo yeke sara lakue.

Nzoni Tënë so Luc asu na mbeti 13:22

Jésus amu lege ti gue na Jérusalem, lo hon na ya ti agbata na akete kodro si lo yeke fa ye na azo.

Nzoni Tënë so Luc asu na mbeti 4:31

Jésus ague na Kapernaum, mbeni gbata ti Galile. Kâ, lo fa ye na azo na *lango ti wungo tere.

Nzoni Tënë so Luc asu na mbeti 4:44

Nilaa lo fa Nzoni Tënë na ya ti ada ti sambelango Nzapa ti Judée.

Jean 9:30

Koli ni akiri tënë, atene: “Ae, ala ma mbeni ye ti kpene! Ala hinga ndo so lo londo daa si lo ga pepe? Ka so lo zi le ti mbi so.

Awatokua 10:38

Ala hinga tënë ti Jésus, zo ti Nazaret, ala hinga lege so Nzapa asoro lo si lo sara si Yingo-Vuru na ngangu aga na ndö ti lo. Nzapa ayeke na lo, nilaa lo tambula na ndo kue, lo sara aye ti nzoni si lo kai akobela na tere ti azo so kue ayeke na gbe ti Zabolo.