Marc 6:52 - Mbeti ti Nzapa - Tënë so amu fini

⁵² ngbanga ti so ala hinga nda ti ye ti kpene ti amapa so pepe. Ala ngba ti kpengba be ti ala.

Marc 6:52 Iomraidhean Croise

Ésaïe 63:17

KOTA GBIA, mo zia e, e tambula kirikiri yongoro na lege ti mo ngbanga ti nyen? Mo sara si be ti e akpengba si e ke ti kpe mbeto ti mo ngbanga ti nyen? Ndali ti e, azo ti kua ti mo, amara so aga azo ti mo, kiri, mo ga!

Marc 16:14

Ti hunzi na ni, Jésus afa tere ti lo na adisiple ti lo baleoko na oko na ndembe so ala yeke te kobe. Lo suku na ala, ngbanga ti so ala dekite, ala kpengba be ti ala si ala ke ti yeda na tënë ti azo so abaa lo na peko ti so lo zingo na kuâ.

Marc 3:5

Jésus abaa le ti ala oko oko kue na ngonzo; be ti lo awara vundu ngbanga ti sioni be ti ala. Lo tene na koli ni: “Yoro ya ti maboko ti mo.” Lo yoro ni si maboko ti lo akiri aga nzoni.

Marc 7:18

Lo tene na ala: “Ala nga, ala yeke na ndara ti ma ya ti tënë so pepe? Ala hinga pepe? Ye so alondo na gigi si ali na ya ti zo, alingbi ti sara si lo ga *sioni pepe,

Nzoni Tënë so Luc asu na mbeti 24:25

Tongaso Jésus atene na ala: “Ala azo so li ti ala ayeke daa pepe so, tënë so kue awayanga-Nzapa atene ando so, ala ma na be na ni hio pepe!

Jean 12:40

“Nzapa asara si le ti ala akanga, lo sara si ala hinga ndo pepe. Tongaso si ala baa ndo pepe, ala hinga ndo pepe si ala zia ngbene lege ti sarango ye ti ala pepe. Tongaso si mbi kai kobela ti ala pepe.”

Rome 11:7

Nyen? Ye so azo ti Israel agi, ala wara ni pepe, gi azo so Nzapa asoro ala laa awara ye ni. Me ti tanga ti azo ni, Nzapa asara si mango ya ti tënë ni aga ngangu na ala,