Marc 6:45 - Mbeti ti Nzapa - Tënë so amu fini

⁴⁵ Gi hio na pekoni, Jésus amu yanga na adisiple ti lo titene ala ko na ya ti ngo ti gue kozo ti lo na mbage ti ngu, na mbage ti gbata ti Betsaida si lo wani, lo ngba ti lo na peko ti mu lege na gba ti azo so ti kiri na ndo ti ala.

Marc 6:45 Iomraidhean Croise

Matthieu 11:21

Lo tene na ala: “Mawa na mo, gbata ti Korazen! Mawa na mo, gbata ti Betsaida! Biani, tongana aye ti kpene so asi na ndo ti ala so asi ando na sese ti Tir na ti Sidon, ka azo ni ayu bongo ti mua, ala tuku mburu ti wâ na li ti ala aninga awe ti fa atene, ala zia ngbene lege ti sarango ye ti ala awe!

Marc 6:32

Tongaso ala mu mbeni ngo, ala gue na mbeni ndo so zo ayeke daa pepe ti duti kâ kpoo.

Marc 8:22

Jésus na adisiple ti lo asi na Betsaida; ambeni zo amu mbeni waziba, aga na lo na Jésus si ala voro lo titene lo ndu lo.

Nzoni Tënë so Luc asu na mbeti 10:13

“Mawa na mo, gbata ti Korazen! Mawa na mo, gbata ti Betsaida! Tongana aye ti kpene so asi na ndo ti ala so asi ando na sese ti Tir na ti Sidon, ka azo ni ayu bongo ti mua, ala duti na ya ti mburu ti wâ aninga awe ti fa atene, ala zia ngbene lege ti sarango ye ti ala awe!