Marc 6:39 - Mbeti ti Nzapa - Tënë so amu fini

³⁹ Tongaso Jésus amu yanga na adisiple ti lo ti tene na azo ni kue ti bongbi li ti ala ti duti nde nde na ndö ti fini pere.

Marc 6:39 Iomraidhean Croise

1 Agbia 10:5

kobe so ayeke na ndö ti meza ti lo, da ti lango ti azo ti yangbo ti lo, lege so azo ti gbe ti lo ayeke sara kua ti ala, amakonzi ti mungo samba na lo; lo baa nga *asandaga so a yeke gbi kue na wâ so Salomon ayeke mu ni na ya ti kota da ti KOTA GBIA. Na bango aye so kue, li ti gbia-wali ni kue akpe.

Matthieu 15:35

Jésus amu yanga na gba ti azo ni ti duti na sese.

Marc 6:38

Jésus ahunda ala: “Ala yeke na mapa oke? Ala gue, abaa si.” Ala gue, abaa si ala ga atene na lo: “E yeke na mapa oku na asusu use.”

Marc 6:40

Azo ni aduti, ambeni ngbangbo oko ngbangbo oko, ambeni baleoku baleoku.

Nzoni Tënë so Luc asu na mbeti 9:14

Wungo ti azo ni kue ayeke nduru na saki oku. Jésus atene na adisiple ti lo: “Ala tene na azo ni ti bongbi tere ti ala baleoku baleoku si aduti.”

Jean 6:10

Jésus atene: “Ala tene na azo ni kue ti duti.” Pere ayeke na ndo ni so mingi. Azo ni aduti; li ti akoli kue aga nduru na saki oku.

1 Korente 14:33

Biani, Nzapa ayeke Nzapa ti wusuwusu pepe, me lo yeke Nzapa ti siriri. Tongana ti so azo ayeke sara na ya ti a-Eglize ti Nzapa kue,

1 Korente 14:40

Ala sara ye kue na legeni, me na ya ti wusuwusu pepe.