Marc 6:34 - Mbeti ti Nzapa - Tënë so amu fini

³⁴ So Jésus asigigi na ya ti ngo ni, lo baa gba ti azo; mawa ti ala agbu lo, ngbanga ti so ala yeke tongana ataba so zo ti batango ala ayeke daa pepe. Tongaso lo fa aye mingi na ala.

Marc 6:34 Iomraidhean Croise

1 Agbia 22:17

Tongaso Mishe atene: “Mbi baa azo ti Israel kue akangbi kirikiri na ndö ti ahoto, tongana ataba so zo ti batango ala ayeke daa pepe. KOTA GBIA atene: ‘Makonzi ti azo so ayeke daa oko pepe. Ayeke nzoni zo oko oko akiri na ndo ti lo na siriri.’ ”

2 Mbai 18:16

Tongaso Mishe atene: “Mbi baa azo ti Israel kue akangbi kirikiri na ndö ti ahoto, tongana ataba so zo ti batango ala ayeke daa pepe.” KOTA GBIA atene: “Makonzi ti azo so ayeke daa oko pepe. Ayeke nzoni zo oko oko akiri na ndo ti lo na siriri.”

Ésaïe 13:14

Tongaso, tongana dengbe so zo ayeke tumba peko ti lo, tongana ataba so zo ti batango ala ayeke daa pepe, fade zo oko oko ayeke mu lege ti gue na mbage ti azo ti lo, zo oko oko ayeke kpe ti kiri na kodro ti lo.

Jérémie 50:6

Azo ti mbi ayeke lani tongana ataba so agirisa awe. Awabatango ala asara si ala girisa lege, ala zia ataba ni atambula kirikiri na li ti ahoto. Ataba ni alondo na li ti mbeni hoto asi na li ti mbeni kete hoto, ala girisa ndo ti lango ti ala.

Ezekiel 34:5

Ataba ni akangbi kirikiri, ngbanga ti so wabatango ala ayeke daa pepe. Ataba ni aga kobe ti anyama kue ti ngonda; ala kangbi kirikiri.

Zakarii 10:2

Anzapa ti da ayeke kiri na ala atënë ti mvene, azo ti bango nda ti aye ayeke fa na ala nda ti ye na legeni pepe; abango-li ti ala ayeke gi asenge ye, atënë ti dengo be so ala yeke tene na azo ayeke gi ye ti handango azo ni. Ndani laa azo ni ague, mawa na be ti ala tongana ataba so zo ti batango ala ayeke daa pepe.

Wungo ti azo 27:17

Ayeke nzoni zo ni ayeke zo so alingbi ti tambula na li ti aturugu ti gue na ala na bira, ti kiri na ala si bongbi ti azo ti KOTA GBIA aduti pepe tongana ataba so zo ti batango ala ayeke daa pepe.”

Matthieu 14:14

So Jésus asigigi na ya ti ngo ni, lo baa gba ti azo; mawa ti ala agbu lo si lo kai kobela ti azo so ayeke na kobela.

Matthieu 15:32

Jésus airi adisiple ti lo si lo tene na ala: “Mawa ti gba ti azo so agbu mbi, ngbanga ti so na ya ti alango ota so ala yeke na tere ti mbi, ala yeke na ye ti tengo ni pepe. Mbi ye ti zia ala titene ala gue na nzara na ya ti ala pepe, ngbanga ti ala woko na nzara na lege.”

Matthieu 9:36

So lo baa gba ti azo so, mawa agbu be ti lo ndali ti so ngangu atia ala si be ti ala awoko kue; ala yeke tongana ataba so zo ti batango ala ayeke daa pepe.

Marc 6:33

Me azo mingi abaa ala na guengo ni si ahinga ala. Azo alondo na ya ti agbata nde nde, ala mu lege na gere si asi kozo na ndo so Jésus na awatokua ni ayeke gue daa.

Marc 6:35

So ndo aga nduru ti vuko, adisiple ti Jésus aga nduru na tere ti lo si ala tene na lo: “Ngbonga ahon awe si na ndo so, zo ayeke daa pepe.

Marc 8:1

Na ngoi ni so, gba ti azo akiri abongbi tere ti ala. So azo ni ayeke na ye ti tengo ni pepe, Jésus airi adisiple ti lo si lo tene na ala:

Marc 8:2

“Mawa ti gba ti azo so agbu mbi, ngbanga ti so na ya ti lango ota so ala yeke na tere ti mbi, ala yeke na ye ti tengo ni pepe.

Nzoni Tënë so Luc asu na mbeti 9:11

Gba ti azo ama tënë ni si ala mu peko ti lo. Jésus ayamba ala, lo fa tënë ti kodro-gbia ti Nzapa na ala si lo kai kobela ti ala so tere ti ala ayeke so.

Ahebro 2:17

Ndani laa, alingbi fade lo ga tongana a-ita ti lo na ya ti aye kue. Tongaso, lo ga kota wayango-sandaga so ayeke baa mawa ti azo si lo yeke sara kua ti Nzapa na legeni, titene lo zi asiokpari ti azo.

Ahebro 4:15

E yeke na kota wayango-sandaga so alingbi ti baa mawa ti e na ndo so ngangu atia e daa. Biani, aye ti tarango be kue asi na lo tongana ti so ayeke si na e, me lo sara ti lo siokpari oko pepe.