Marc 6:26 - Mbeti ti Nzapa - Tënë so amu fini

²⁶ Vundu agbu be ti gbia ni mingi; me ngbanga ti dengo ba so lo de na le ti azo so kue lo tisa ala na matanga ni, lege ti ke tënë ti lo ni ayeke daa pepe.

Marc 6:26 Iomraidhean Croise

2 Samuel 14:21

Na pekoni, gbia atene na Yoab: “Mbi ye ti sara ye tongana ti so mo tene so. Gue, mo mu maseka-koli Absalom, mo kiri na lo ge.”

Daniel 6:14

Awato ti Daniel akiri atene na gbia: “Gbia, Daniel, oko ti azo ti Juda so a gbu ala si a ga na ala so, lo baa mo tongana senge ye. Lo baa nga mbela so mo su maboko ti mo na gbe ni tongana senge ye: na ya ti lango oko, lo yeke sambela Nzapa ti lo fani ota.”

Matthieu 14:9

Vundu agbu be ti gbia ni; me ndali ti so lo deba yanga ti lo na le ti azo so lo tisa ala, lo mu yanga ti mu li ti Jean na lo.

Marc 6:25

Molenge-wali ni akiri hio na tere ti gbia si lo tene na lo: “Mbi ye mo mu na mbi fafadeso li ti Jean-Baptiste na ya ti mbeni kpangbara sembe!”

Marc 6:27

Nilaa lo tokua mbeni turugu hio; lo mu yanga na lo ti ga na li ti Jean-Baptiste. Turugu ni ague si lo fâ go ti Jean na da ti kanga.