Marc 6:20 - Mbeti ti Nzapa - Tënë so amu fini

²⁰ Biani, Herode ayeke kpe mbeto ti Jean, ngbanga ti so lo hinga, lo tene, Jean ayeke zo ti mbirimbiri, lo yeke nga zo so Nzapa azia lo nde ndali ti lo. Herode ayeke bata lo titene azo asara sioni na lo pepe. Lo yeke na nzara mingi ti ma Jean-Baptiste; me tongana lo ma lo, lo hinga ye so lo lingbi ti sara ni pepe.

Marc 6:20 Iomraidhean Croise

1 Agbia 21:20

Élie ague, atene peko ti tënë ni na Akab si Akab atene na Élie: “Ae, wato ti mbi, mo kiri mo wara mbi awe!” Élie akiri tënë: “Taa-tënë, mbi kiri mbi wara mo, ngbanga ti so mo ka tere ti mo ti sara ye so ayeke sioni na le ti KOTA GBIA.

2 Agbia 13:14

Élisée ati na kobela, kobela so lo yeke kui na ni. Yoas, gbia ti Israel ague ti baa lo. Lo ba na ndö ti Élisée si lo yeke toto, lo tene: “Babâ ti mbi! Babâ ti mbi! Mo yeke lani tongana apusu ti mbarata ti Israel! Mo yeke tongana azo ti kpengo na ambarata ni!”

2 Agbia 6:21

So gbia ti Israel abaa ala awe, lo tene na Élisée: “Babâ, mbi lingbi ti fâ ala?”

2 Mbai 24:2

Yoas asara ye so ayeke mbirimbiri na le ti *KOTA GBIA na lango so kue wayango-sandaga Yoyada angba na fini.

2 Mbai 26:5

Na ngoi so kue Zakarii angba na fini, lo so lo yeke ma ya ti ye so Nzapa afa na lo na ya ti mbeni ye tongana bango-li, lo fa na Ozias lege ti kpengo mbeto ti *KOTA GBIA Nzapa; Nzapa asara si aye ti Ozias aga nzoni.

Sigingo 11:3

KOTA GBIA asara si azo ti Ezipte abaa azo ti Israel na nzoni le. Na ndö ni kue, na sese ti Ezipte, azo ti gbe ti Faraon nga na azo ti kodro ni abaa Moïse tongana kota zo mingi.

Ezekiel 33:32

Ti mo, mo yeke tongana mbeni nzoni zo ti hengo bia na ala; mo yeke he pendere bia si nzoni mozoko ayeke toto na gbe ni. Ala yeke ma atënë ti mo, me ala yeke sara ye alingbi na ni pepe.

Daniel 4:18

akugbe ti keke ni ayeke pendere si ale ni ayeke gbani gbani, kobe ayeke daa ndali ti aye kue. Anyama ti ngonda ayeke lango na gbe ni, andeke ti nduzu asara ada ti ala na tere ti amaboko ni.

Daniel 4:27

Lo mu tënë si lo tene: “So Babilone pepe? Kota gbata so mbi sara ni titene aga ndo ti lango ti gbia so! Mbi sara ni na lege ti ngangu ti mbi ti gbia. Mbi sara ni titene azo agonda iri ti mbi.”

Daniel 5:17

Daniel akiri tënë na gbia, atene: “Gbia, ayeke nzoni mo bata akadoo ni ndali ti mo wani, wala mo lingbi ti mu ni na mbeni zo nde. Ti mbi, mbi yeke diko mbeti ni si mbi yeke fa nda ni na mo.

Matthieu 14:5

Herode aye lani ti fâ lo, me lo kpe mbeto ti azuife, ngbanga ti so ala baa Jean tongana wayanga-Nzapa.

Matthieu 21:26

Me tongana e tene: ‘Azo laa atokua lo’, e lingbi ti sara mbeto ti gba ti azo ni, ngbanga ti so ala kue ahinga atene, Jean ayeke wayanga-Nzapa.”

Marc 11:18

Akota wayango-sandaga na awafango-ndia ama tënë ti ye so Jésus asara so si ala yeke gi lege ti fâ lo. Me ala sara mbeto ti lo mingi, ngbanga ti so li ti gba ti azo akpe ndali ti fango ye ti lo.

Marc 4:16

Ambeni zo ayeke tongana sese so atêne ayeke daa; tongana ala ma tënë ni, ala yeda na ni hio na ngia,

Jean 5:35

Jean ayeke lani tongana lamba so aza si ndo avuru. Ala azo, ala yeda ti sara ngia kete na gbe ti wâ ni.

Awatokua 2:12

So li ti ala kue akpe si ala hinga li ti ala na ye ni pepe, ala hunda tere ti ala, atene: “So aye ti tene nyen?”

Awatokua 5:24

So akota wayango-sandaga na makonzi ti aturugu ti kota da ti Nzapa ama tënë so, ala hinga li ti ala na ye ni pepe; ala hunda tere ti ala, atene: “Ye ni ayeke ga ande tongana nyen!”