Marc 6:2 - Mbeti ti Nzapa - Tënë so amu fini

² Na *lango ti wungo tere, lo to nda ti fango ye na ya ti da ti sambelango Nzapa. Azo so abongbi mingi ti ma fango ye ti lo, li ti ala kue akpe. Ala hunda tere ti ala, atene: “Lo wara ye so kue na ndo wa? So mara ti ndara ti nyen laa lo yeke na ni so? Lo yeke sara aye ti kpene so na lege ti nyen?

Marc 6:2 Iomraidhean Croise

Matthieu 4:23

Jésus atambula na ya ti Galile kue; lo fa ye na azo na ya ti ada ti sambelango Nzapa ti kodro ni, lo fa Nzoni Tënë ti *Kodro-gbia ti yayu, lo kai akobela kue na tere ti azo, lo sara si azo so mbage ti tere ti ala abuba, aga nzoni.

Matthieu 7:28

So Jésus atene tënë so awe, li ti azo so abongbi kâ akpe ndali ti fango ye ti lo.

Marc 1:39

Tongaso Jésus atambula na ya ti ada ti sambelango Nzapa na sese ti Galile kue; lo fa Nzoni Tënë si lo tumba nga asioni yingo.

Marc 10:1

Na pekoni, Jésus alondo na ndo so si lo gue na sese ti Judée, na mbage ti ngu ti Jourdain. Gba ti azo akiri abongbi na tere ti lo si lo to nda ti fa ye na ala tongana ti so lo yeke sara lakue.

Nzoni Tënë so Luc asu na mbeti 2:47

Azo so kue ayeke ma lo, li ti ala kue akpe ndali ti hingango ye ti lo nga ndali ti atënë so lo yeke kiri na ni na ala.

Nzoni Tënë so Luc asu na mbeti 4:15

Lo yeke fa ye na ya ti ada ti sambelango Nzapa ti ala si azo ni kue ayeke gonda lo.

Jean 6:42

Ala hunda tere ti ala, atene: “So Jésus, molenge ti Joseph, so e hinga babâ ti lo na mama ti lo so laa pepe? Tongana nyen laa fadeso lo tene: ‘Mbi londo na yayu si mbi ga so?’”

Jean 7:15

Li ti amakonzi ti azuife kue akpe si ala tene: “Koli so ahinga aye so tongana nyen, so lo manda mbeti pepe so?”