Marc 6:16 - Mbeti ti Nzapa - Tënë so amu fini

¹⁶ So Herode ama tënë so, lo tene: “So taa Jean-Baptiste laa! Mbi fâ go ti lo lani, me lo zingo na kuâ awe!”

Marc 6:16 Iomraidhean Croise

Abia (Psaumes) 53:5

Nzapa atene: “Azo ti sarango sioni so, ala hinga ye oko pepe! Ala yeke te azo ti mbi na mbana tongana ti so ala yeke te kobe ti ala; ala ke ti hunda ye na mbi.”

Matthieu 14:2

lo tene na akota zo ti gbe ti lo, lo tene: “So Jean-Baptiste laa: lo zingo na kuâ si lo kiri na fini awe! Ndani laa lo wara ngangu ti sarango na aye ti kpene.”

Matthieu 27:4

Lo tene na ala: “Mbi sara siokpari awe, ngbanga ti so mbi ka na ala mbeni zo so asara sioni oko pepe.” Me ala kiri tënë na lo, atene: “Ti e daa nyen? So abaa gi mo!”

Marc 6:15

Me ambeni atene: “So Élie laa.” Ambeni akiri atene: “So mbeni wayanga-Nzapa tongana ambeni wayanga-Nzapa ti ando laa.”

Marc 6:17

Biani, Herode amu ando yanga lo wani titene a gbu Jean, a kanga lo na zingiri si a bi lo na da ti kanga. Herode asara ye so ndali ti Herodiade, wali ti ita ti lo Philippe; Herode akiri amu Herodiade ti ga wali ti lo.

Nzoni Tënë so Luc asu na mbeti 9:9

Me Herode atene: “Jean? Mbi wani laa mbi mu yanga titene a fâ go ti lo. Me lo so lo yeke zo wa si mbi yeke ma mara ti tënë tongaso na ndö ti lo so?” Nilaa, Herode ayeke gi lege ti baa Jésus.