Marc 5:41 - Mbeti ti Nzapa - Tënë so amu fini

⁴¹ Lo gbu maboko ti molenge ni si lo tene na lo: “Talita kum!” Nda ni atene: “Molenge-wali, mbi tene na mo, mo londo!”

Marc 5:41 Iomraidhean Croise

Tongo nda ti aye 1:3

Nzapa atene: “Ayeke nzoni ndo avuru!” Si ndo ni avuru.

Abia (Psaumes) 33:9

Lo laa lo tene tënë si ye ni asi; lo laa lo mu yanga si ye ni abaa gigi.

Marc 1:31

Lo gue na tere ti lo, lo gbu maboko ti lo si lo mu lo na nduzu. Tere ti mama ni ade, lo londo si lo to nda ti sara na ala.

Marc 1:41

Mawa ti lo agbu Jésus; lo yoro maboko ti lo, lo ndu koli so si lo tene na lo: “Mbi yeda! Ayeke nzoni tere ti mo aga nzoni.”

Marc 5:40

Ala he lo na ngia. Me lo hunda na ala kue ti sigigi; lo iri babâ na mama ti molenge ni na adisiple ti lo ota si ala li na ndo so molenge ni ayeke daa.

Marc 5:42

Gi hio tongaso, molenge-wali ni alondo si lo tambula. Lo yeke lani na ngu baleoko na use. So azo abaa ye so asi, li ti ala kue akpe.

Rome 4:17

Biani, Mbeti ti Nzapa atene: “Mbi sara si mo ga kotara ti gba ti amara.” Na le ti Nzapa, lo yeke taa kotara ti e ndali ti mabe ti lo. Nzapa so ayeke mu fini na akuâ, na lege ti tënë ti yanga ti lo, ye so ayeke daa pepe, lo sara si ye ni abaa gigi.

Filipe 3:21

Lo laa lo yeke mu tere ti e so ayeke tere ti pasi ti sara ni alingbi na tere ti lo ti gonda. Lo yeke sara tongaso na lege ti ngangu so lo yeke na ni ti sara si aye kue aduti na gbe ti komandema ti lo.