Marc 5:36 - Mbeti ti Nzapa - Tënë so amu fini

³⁶ Me Jésus azia be ti lo na tënë ti ala so pepe. Lo tene na Yairus: “Sara mbeto pepe, mo ma gi na be!”

Marc 5:36 Iomraidhean Croise

2 Mbai 20:20

Na kota ndaperere, azo kue alondo ti gue na benyama ti Tekoa. Na guengo ti ala, Yosafat aluti na nduzu si lo tene na ala: “Azo ti Jérusalem na azo ti Juda, ala ma mbi si! Ayeke nzoni ala zia be ti ala na ndö ti KOTA GBIA, Nzapa ti ala si fade ala yeke wara ngangu. Ala zia be ti ala na ndö ti azo ti tenengo peko ti yanga ti lo si fade ala yeke so benda.”

Matthieu 17:20

Jésus akiri tënë na ala: “Ngbanga ti so mabe ti ala ayeke kete. Biani, mbi tene na ala: tongana konongo ti mabe ti ala alingbi na konongo ti kete kete le ti keke ti mutarde, fade ala yeke tene na hoto so: ‘Londo na ndo so, mo gue kâ.’ Fade hoto ni ayeke hon; ye alingbi ti kara ala oko pepe. [

Matthieu 9:18

So Jésus angba ti tene tënë so na ala, mbeni makonzi ti azuife aga nduru na tere ti lo; lo kuku na gbe ti Jésus si lo tene na lo: “Molenge ti mbi ti wali akui gi fafadeso. Mo ga, mo zia maboko ti mo na ndö ti lo si fade lo kiri na fini.”

Marc 5:22

Mbeni makonzi ti da ti sambelango Nzapa aga; iri ti lo ayeke Yairus. So lo baa Jésus, lo ti na gbe ti lo

Marc 5:34

Jésus atene na lo: “Molenge ti mbi ti wali, mabe ti mo asoo mo awe. Kobela ti mo akai awe, mo gue nzoni.”

Marc 9:23

Jésus atene na lo: “Ngbanga ti nyen si mo tene: ‘Tongana mo lingbi ti sara?’ Zo so ama na be, lo lingbi ti sara ye kue!”

Nzoni Tënë so Luc asu na mbeti 8:50

Me Jésus ama tënë ni si lo tene na Yairus: “Sara mbeto pepe, ma gi na be; fade lo yeke soo kuâ.”

Jean 11:40

Jésus akiri tënë na lo, atene: “Mbi tene fade na mo, mbi tene: ‘Tongana mo ma na be, fade mo yeke baa gonda ti Nzapa!’ ”