Marc 5:34 - Mbeti ti Nzapa - Tënë so amu fini

³⁴ Jésus atene na lo: “Molenge ti mbi ti wali, mabe ti mo asoo mo awe. Kobela ti mo akai awe, mo gue nzoni.”

Marc 5:34 Iomraidhean Croise

2 Agbia 5:19

Élisée akiri tënë na lo, atene: “Gue nzoni!” Naaman amu lege ague. Naaman amu lege ahon gi kete.

Zo ti bongbingo azo 9:7

Tongaso, mo gue, mo te kobe ti mo na ngia, mo nyon vin ti mo na ngia na be ti mo, ngbanga ti so Nzapa ayeda na aye so mo sara awe.

Awayango-sandaga 14:48

“Me na peko ti so a mu fini potopoto, a bo na tere ti da ni, fade wayango-sandaga ayeke kiri ti baa tere ti da ni. Tongana lo baa so ye so asigigi kozo so amu tere ti da ni kue pepe, lo yeke fa atene, da ni aga *nzoni, ngbanga ti so sioni gugu ni ahon awe.

Matthieu 9:2

Ambeni zo amu mbeni koli so mbage ti tere ti lo abuba si aga na lo na Jésus. Koli ni ayeke lango na ndö ti kelekpa. Jésus abaa mabe ti azo ni si lo tene na koli so mbage ti tere ti lo abuba so, lo tene: “Kanga be ti mo, molenge ti mbi! A zi siokpari ti mo awe!”

Matthieu 9:22

Jésus abi le ti lo na peko, lo baa wali so si lo tene na lo: “Molenge ti mbi, de be ti mo! Mabe ti mo asoo mo awe.” Gi na ndembe ni so, kobela ti wali ni akai.

Marc 10:52

Jésus atene na lo: “Mo gue, mabe ti mo asoo mo awe!” Gi hio na pekoni, waziba ni ato nda ti baa ndo si lo mu peko ti Jésus.

Marc 3:10

Biani, azo ti kobela ayeke gbugburu tere ti ala ti ndu Jésus, ngbanga ti so lo kai kobela ti azo mingi.

Marc 5:29

Gi hio tongaso, kobela ti lo ni akai, tere ti lo aga nzoni.

Marc 5:33

Wali ni ado na mbeto, ngbanga ti so lo hinga ye so asi fade na lo. Lo ga lo ti na gbe ti Jésus si lo tene na lo taa-tënë kue.

Nzoni Tënë so Luc asu na mbeti 17:19

Na pekoni, Jésus atene na lo: “Londo, mo gue, mabe ti mo asoo mo awe.”

Nzoni Tënë so Luc asu na mbeti 18:42

Jésus atene na lo: “Baa ndo! Mabe ti mo asoo mo awe!”

Nzoni Tënë so Luc asu na mbeti 7:50

Me Jésus atene na wali ni: “Mabe ti mo asoo mo awe. Mo gue nzoni!”

Nzoni Tënë so Luc asu na mbeti 8:48

Jésus atene na lo: “Molenge ti mbi ti wali, mabe ti mo asoo mo awe, mo gue nzoni!”

Awatokua 14:9

Mbeni lâ, lo yeke ma tënë so Paul ayeke fa. Paul abaa ndo na le ti koli ni si lo baa so koli ni ayeke na mabe titene tere ti lo aga nzoni.

Awatokua 15:33

Na peko ti so ala lango kete na ndo so awe, a-ita ni azia ala titene ala kiri na siriri na mbage ti azo so atokua ala. [

Awatokua 16:36

Tongaso wabatango da ti kanga ni atene na Paul: “Azo ti fango ngbanga atokua yanga titene mbi zi mo na Silas, ala gue. Tongaso, ala sigigi fadeso, ala gue na siriri.”

Jacques 2:16

si mbeni zo oko na popo ti ala atene na ita ni: “Gue nzoni! Mo duti na tere ti wâ, mo te kobe, ya ti mo asi!” Me, ye so lo lingbi fade ti wara ndali ti fini ti lo, ala mu ni na lo pepe, asenge senge tënë ti ala so asara nyen?

1 Samuel 1:17

Tongaso, Heli akiri tënë na lo: “Gue nzoni! Ayeke nzoni Nzapa ti Israel amu na mo ye so mo hunda na lo.”

1 Samuel 20:42

Jonatan atene na David: “Gue nzoni! Biani, e use kue, e deba yanga ti e na iri ti KOTA GBIA awe: ayeke nzoni KOTA GBIA aduti na popo ti mbi na mo, na popo ti *ahale ti mbi nga na ahale ti mo kpu na kpu.”