Marc 5:33 - Mbeti ti Nzapa - Tënë so amu fini

³³ Wali ni ado na mbeto, ngbanga ti so lo hinga ye so asi fade na lo. Lo ga lo ti na gbe ti Jésus si lo tene na lo taa-tënë kue.

Marc 5:33 Iomraidhean Croise

Abia (Psaumes) 30:2

*KOTA GBIA, mbi ye ti he bia ti fa kota ti mo, ngbanga ti so mo soo mbi na kuâ; mo sara si awato ti mbi ahe mbi pepe.

Abia (Psaumes) 66:16

Ala so kue ayeke kpe mbeto ti Nzapa, ala ga, ama; fade mbi yeke fa na ala ye so lo sara ndali ti mbi.

Marc 4:41

Me tere ti ala kue ado, ala hunda tere ti ala, atene: “Zo so ayeke zo wa si pupu na ngu kue ayeke ma yanga ti lo so?”

Marc 5:32

Me Jésus abaa ndo na tere ti lo kue ti baa zo wa laa asara ye so.

Marc 5:34

Jésus atene na lo: “Molenge ti mbi ti wali, mabe ti mo asoo mo awe. Kobela ti mo akai awe, mo gue nzoni.”

Nzoni Tënë so Luc asu na mbeti 1:12

So Zakarii abaa lo tongaso, be ti lo agi lo si mbeto agbu lo.

Nzoni Tënë so Luc asu na mbeti 1:29

So Marie ama tënë so, be ti lo ado; lo gbu li ti lo na ndö ti barango ndo ni so.

Nzoni Tënë so Luc asu na mbeti 8:47

So wali ni ahinga atene, a sigigi na nda ti lo awe, tere ti lo ayeke do, lo ga, lo ti na gbe ti Jésus, lo fa na le ti azo kue ye so asara si lo ndu bongo ti Jésus. Lo fa nga lege so kobela ti lo akai gi na ndembe so lo ndu bongo ni.