Marc 5:27 - Mbeti ti Nzapa - Tënë so amu fini

²⁷ Lo ma tënë ti Jésus. Tongaso lo ga na popo ti gba ti azo ni, na mbage ti peko ti Jésus si lo ndu bongo ti lo.

Marc 5:27 Iomraidhean Croise

2 Agbia 13:21

Mbeni lâ, azo ague ti lu mbeni kuâ; mo ye ti baa, ala baa ambeni zo ti nzi ni so. Azo ti lungo kuâ ni abi kuâ ni na ya ti du ti kuâ ti Élisée. Gi so kuâ ni andu abio ti Élisée, zo ni akiri na fini si lo luti na ndö ti gere ti lo.

Matthieu 14:36

Ala voro lo titene lo zia azo ti kobela ni andu gi yanga ti bongo ti lo. Azo so kue andu ni, tere ti ala aga nzoni.

Marc 5:26

Lo baa pasi mingi na ndo ti anganga si lo buba nginza ti lo kue na lege ti ala; me tere ti lo aga nzoni pepe. Kobela ti lo ni akiri aga ngangu ahon ti kozoni.

Marc 5:28

Lo tene na be ti lo: “Tongana mbi ndu gi ti bongo ti lo, fade kobela ti mbi ayeke kai.”

Marc 6:56

Na ndo so kue Jésus ayeke hon daa, wala na ya ti agbata, wala na ya ti akete kodro, wala na ya ti akete kodro so ayeke na yanga ti yaka kue, azo ayeke mu azo ti kobela, azia ala na ndö ti abalabala; ala hunda na lo titene lo zia ala ti ndu gi yanga ti kota bongo ti lo. Azo so kue andu lo, tere ti ala aga nzoni.

Awatokua 19:12

Nilaa azo ayeke mu abongo wala siriki so andu tere ti Paul, ala ga na ni na azo ti kobela si kobela ti azo ni akai, asioni yingo asigigi na ya ti ala.

Awatokua 5:15

Azo ayeke sigigi na azo ti kobela na tere ti akota lege, ala zia azo ni na ndö ti agbogbo wala akelekpa titene tongana Pierre ayeke hon, gbe-de ti lo ahon na ndö ti ambeni na popo ti ala.