Marc 5:26 - Mbeti ti Nzapa - Tënë so amu fini

²⁶ Lo baa pasi mingi na ndo ti anganga si lo buba nginza ti lo kue na lege ti ala; me tere ti lo aga nzoni pepe. Kobela ti lo ni akiri aga ngangu ahon ti kozoni.

Marc 5:26 Iomraidhean Croise

Mbeti ti Job 13:4

Ti ala, ala kanga ndö ti taa-tënë na tenengo mvene; ala kue, ala yeke awanganga so ahinga ye oko pepe.

Abia (Psaumes) 108:12

Gi mo oko Nzapa laa, mo so mo ke e awe so, mo so mo ke ti gue na aturugu ti e na bira so, mo laa mo lingbi fade ti sara ni.

Jérémie 51:8

Me gi hio tongaso, Babilone ati, ya ti lo afâ kue. “Ayeke nzoni ala he bia ti totongo kuâ ndali ti lo. Ala zia mafuta na le ti aka ti lo; e hinga pepe, fade tere ti lo ayeke ga nzoni!”

Jérémie 8:22

Na sese ti Galaad, mafuta ti kai na kobela ayeke daa mbeni pepe? Awanganga ayeke kâ mbeni pepe? Ngbanga ti nyen si ka ti azo ti mbi ade ti mu pepe so?

Marc 5:25

Mbeni wali ayeke daa, mene ayeke ga na tere ti lo mingi mingi, asara ngu baleoko na use awe.

Marc 5:27

Lo ma tënë ti Jésus. Tongaso lo ga na popo ti gba ti azo ni, na mbage ti peko ti Jésus si lo ndu bongo ti lo.

Nzoni Tënë so Luc asu na mbeti 8:43

Mbeni wali ayeke kâ, mene ayeke ga na tere ti lo mingi mingi, asara ngu baleoko na use awe. Wali so abuba aye ti lo kue na lege ti awanganga ndali ti kobela so, me zo oko awara lege ti kai kobela ni pepe.