Marc 5:13 - Mbeti ti Nzapa - Tënë so amu fini

¹³ Jésus ayeda na ala. Tongaso asioni yingo ni asigigi na ya ti koli ni si ala li na ya ti anguru ni. Li ti anguru ni kue ayeke nduru na saki use. Ala londo na loro na li ti hoto ni si ala tuku kue na ya ti ngu, ala kui.

Marc 5:13 Iomraidhean Croise

1 Agbia 22:22

Yingo ni akiri tënë, atene: ‘Fade mbi yeke gue si mbi yeke ga yingo ti mvene na yanga ti awayanga-nzapa kue ti gbia.’ KOTA GBIA atene na lo: ‘So nzoni lege ti handango lo laa; gue, mo sara gi tongaso.’ ”

Mbeti ti Job 1:12

Tongaso KOTA GBIA atene na Satan: “Nzoni! Aye so kue lo yeke na ni, mbi zia na maboko ti mo. Gi ye oko, mo ndu tere ti lo pepe.” Na pekoni, Satan alondo na dawa ti KOTA GBIA ahon.

Mbeti ti Job 2:6

Tongaso KOTA GBIA atene na Satan: “Nzoni! Mbi zia lo na maboko ti mo. Gi ye oko, mo bata fini ti lo.”

Matthieu 7:6

“Ye so a zia ni nde ndali ti Nzapa, ala bi ni na ambo pepe, ngbanga ti fade ambo ni ayeke kiri na tere ti ala ti te ala. Ala tuku alenge ti ala na anguru pepe, ngbanga ti fade anguru ni ayeke do ni na gere ti ala.”

Matthieu 8:32

Jésus atene na ala: “Ala gue!” Asioni yingo ni asigigi na ya ti akoli ni si ala gue, ali na ya ti anguru ni. Tongaso anguru ni kue alondo na loro na li ti hoto ni, ala ague, atuku na ya ti kota ngu ni si ala kue akui.

Marc 5:12

Tongaso asioni yingo ni avoro Jésus, atene: “Tokua e na ya ti anguru so titene e li na ya ti ala.”

Marc 5:14

Awabatango-nguru ni akpe si ala fa tënë ni na ya ti gbata ni nga na ya ti akete kodro ti yanga ti yaka. Tongaso azo aga ti baa ye so asi so.

Jean 8:44

Babâ ti ala ayeke Zabolo, ala ye ti sara gi ye so be ti lo aye; kua ti lo ngbene ye na tongo nda ni laa. Lo gi lege laoko ti tene taa-tënë pepe, ngbanga ti so taa-tënë ayeke na ya ti fini ti lo pepe. Mvene ayeke ye ti tere ti lo, ngbanga ti so lo yeke zo ti mvene si lo yeke babâ ti mvene.

1 Pierre 3:22

Lo gue na yayu, lo duti na tere ti Nzapa na mbage ti maboko ti lo ti koli si *a-ange, ayingo so ayeke na komandema na ala so ayeke na ngangu ayeke na gbe ti lo.

Aye so Nzapa afa 20:7

Tongana ngu saki oko ni ahunzi awe, fade a yeke zi Satan na ya ti kanga so lo yeke daa.

Aye so Nzapa afa 9:11

Gbia ti agbadola ni ayeke ange ti ya ti kota du so alinda mingi. Iri ti lo na yanga ti hebro ayeke “Abadon”; iri ti lo na yanga ti greke ayeke “Apolion”, nda ti iri so atene “zo ti bubango ye”.