Marc 5:11 - Mbeti ti Nzapa - Tënë so amu fini

¹¹ Andaa na ndo ni so, gba ti anguru ayeke gi kobe ti ala ti tengo ni nduru na hoto ni.

Marc 5:11 Iomraidhean Croise

Ésaïe 65:4

Ala yeke duti na popo ti asende ti kuâ, ala yeke lango na ya ti adu ti têne; ala yeke te kasa ti nguru, ya ti asembe ti ala asi singo na kobe so ayeke *sioni mingi.

Ésaïe 66:3

Zo ayeke fâ bagara ti mu na *sandaga, me na mbage, lo yeke fâ zo; lo yeke fâ go ti taba, me na mbage, lo yeke mu mbo na sandaga; lo yeke mu sandaga ti farini, me na mbage, lo yeke mu mene ti nguru; lo yeke zö dukani na mbi, me na mbage, lo yeke voro ayanda. Azo so kue asoro lege ti ala wani, be ti ala anzere na afungo ye ti ala ni so.

Matthieu 7:6

“Ye so a zia ni nde ndali ti Nzapa, ala bi ni na ambo pepe, ngbanga ti fade ambo ni ayeke kiri na tere ti ala ti te ala. Ala tuku alenge ti ala na anguru pepe, ngbanga ti fade anguru ni ayeke do ni na gere ti ala.”

Matthieu 8:30

Andaa na ndo ni so, gba ti anguru ayeke gi kobe ti ala ti tengo ni; anguru ni ayo kete na tere ti akoli ni so.

Marc 5:10

Na pekoni, lo voro Jésus mingi titene lo tumba asioni yingo ni ti hon yongoro na sese ni pepe.

Marc 5:12

Tongaso asioni yingo ni avoro Jésus, atene: “Tokua e na ya ti anguru so titene e li na ya ti ala.”

Nzoni Tënë so Luc asu na mbeti 8:32

Andaa na ndo ni so, gba ti anguru ayeke te kobe na li ti hoto. Asioni yingo ni avoro Jésus titene lo zia ala, ala li na ya ti anguru ni; lo yeda na ala.

Ndia ti fani use ni 14:8

Ala te nga nguru pepe. Biani, ya ti sokoto ti gere ti lo akangbi use, me kobe so lo te kozoni awe, lo kiri lo yeke te ya ni pepe. Ala baa lo tongana nyama so ayeke *sioni; ala te kasa ti lo pepe, ala ndu nga kuâ ti lo pepe.