Marc 4:8 - Mbeti ti Nzapa - Tënë so amu fini

⁸ Ambeni le ni atuku na nzoni sese, ala sigigi, ala kono si ale: ambeni ale baleota, ambeni ale baleomene si ambeni ale ngbangbo oko.”

Marc 4:8 Iomraidhean Croise

Tongo nda ti aye 26:12

Isaac alu kobe na kodro ni si na ngu ni so, lo wara kobe fani ngbangbo oko ahon ti so lo lu, ngbanga ti so KOTA GBIA asara tufa na ndö ti lo.

Ésaïe 58:1

*KOTA GBIA atene: “Mo dekongo na kota go, mo ngba gi daa! Sara si azo ama go ti mo tongana tatalita! Fa na azo ti mbi kengo ndia ti ala, fa na amolenge ti Jacob siokpari ti ala.

Jérémie 23:29

Tënë ti mbi ayeke tongana wâ; so tënë ti yanga ti KOTA GBIA laa; tënë ni ayeke tongana ngangu martoo so ayeke suru ya ti kota têne!”

Matthieu 13:23

Ambeni zo ayeke tongana nzoni sese so ale ti kobe atuku daa: ala ma tënë ni si ala ma ya ni nzoni. Ala le nzoni: ambeni ale ngbangbo oko, ambeni ale baleomene si ambeni ale baleota.”

Matthieu 13:8

Ambeni le ni atuku na nzoni sese si ala le: ambeni ale ngbangbo oko, ambeni ale baleomene si ambeni ale baleota.”

Marc 4:20

Ambeni zo ayeke tongana ale ti kobe so atuku na nzoni sese; ala ma tënë ni, ala yeda na ni si ala le: ambeni ale baleota, ambeni ale baleomene si ambeni ale ngbangbo oko.”

Marc 4:7

Ambeni le ni atuku na popo ti apere ti ki; apere ni alondo si akanga ndö ti ala kue, nilaa ala le pepe.

Marc 4:9

Jésus akiri atene: “Zo so ayeke na mê ti mango ndo, ayeke nzoni lo ma tënë so!”

Nzoni Tënë so Luc asu na mbeti 8:15

Ambeni zo ayeke tongana nzoni sese so ale ti kobe atuku daa; ala ma tënë ni na be so ayeke mbirimbiri si ayeke nzoni. Ala bata tënë ni si ala kanga be ti ala ti le lakue.”

Nzoni Tënë so Luc asu na mbeti 8:8

Ambeni le ni atuku na nzoni sese; ala kono si ala oko oko ale ngbangbo oko.” So Jésus atene tënë so awe, lo dekongo, lo tene: “Zo so ayeke na mê ti mango ndo, ayeke nzoni lo ma tënë so!”

Jean 15:5

Mbi yeke keke ti vinye, ala yeke amaboko ni. Zo so aduti oko na mbi si mbi duti oko na lo, fade lo yeke le mingi. Tongana ala duti nde na mbi, ala lingbi ti sara ye oko pepe.

Jean 7:17

Zo so aye ti sara ye so be ti Nzapa aye, fade lo yeke hinga atene, ye so mbi yeke fa alondo na Nzapa wala mbi yeke tene gi tënë so alondo na mbi wani.

Awatokua 17:11

Be ti azuife ni kâ ayeke nzoni ahon ti ala ti Tesalonike; ala yamba tënë ti Nzapa na nzara ni kue na be ti ala. Na ya ti lango oko oko, ala yeke gi ya ti Mbeti ti Nzapa ti baa wala atënë so kue Paul atene so ayeke na legeni.

Efeze 2:21

Lo laa lo sara si da ni kue aluti ngangu. Na lege ti lo laa da ni alondo na nduzu, aga da so a zia ni nde ndali ti *Kota Gbia si ayeke nzoni kue.

Filipe 1:11

Fade sarango ye ti mbirimbiri so alondo na Jésus Christ ayeke si singo na ya ti fini ti ala; na lege so laa ala yeke gonda Nzapa si ala yeke sepela lo.

Kolose 1:6

Nzoni Tënë asi na popo ti ala, azo ti Kolose. Na ndö ti dunia kue, Nzoni Tënë ni ayeke gue gi na nduzu si azo ayeke baa aye ti peko ni. Ye ni ayeke gi tongaso na popo ti ala, ti londo na ndembe so ala yamba Nzoni Tënë ni si ala hinga taa-tënë na ndö ti lege so Nzapa ayeke sara nzoni be na azo.