Marc 4:41 - Mbeti ti Nzapa - Tënë so amu fini

⁴¹ Me tere ti ala kue ado, ala hunda tere ti ala, atene: “Zo so ayeke zo wa si pupu na ngu kue ayeke ma yanga ti lo so?”

Marc 4:41 Iomraidhean Croise

Mbeti ti Job 38:11

Mbi tene na lo: “Fade mo ga ngbii mo luti ge; mo yeke hon ndo so pepe! *Amapo ti mo so ayeke sara baba so, ayeke luti ti ala kâ!”

Abia (Psaumes) 89:7

KOTA GBIA, na nduzu kâ, zo wa laa alingbi na mo, zo wa? Na popo ti anzapa, mbeni oko tongana mo ayeke daa?

Malashii 2:5

Na lege ti mbuki so, mbi sara lani si ala duti na fini nga na siriri; ala kpe mbeto ti mbi. Biani, lani ala kpe mbeto ti mbi si na le ti mbi, ala do na mbeto.

Matthieu 14:32

So ala use kue ako na ya ti ngo ni awe, pupu ni akai.

Matthieu 8:27

Be ti azo ni kue ado si ala tene: “Zo so ayeke zo wa si pupu na amapo kue ayeke ma yanga ti lo so?”

Marc 4:40

Na pekoni, Jésus atene na adisiple ti lo: “Mbeto asara ala ngbanga ti nyen? Ala de ti duti na mabe pepe?”

Marc 5:1

Na pekoni, ala si na mbage ti kota ngu ti Galile, na sese ti azo ti Zeraza.

Marc 5:33

Wali ni ado na mbeto, ngbanga ti so lo hinga ye so asi fade na lo. Lo ga lo ti na gbe ti Jésus si lo tene na lo taa-tënë kue.

Marc 7:37

Azo so ama tënë ni, li ti ala kue akpe si ala tene: “Ye so kue lo yeke sara ayeke nzoni mingi! Lo yeke sara nga si azo so mê ti ala akanga ama ndo si abuburu atene tënë!”

Nzoni Tënë so Luc asu na mbeti 4:36

Li ti azo ni kue akpe si ala tene na popo ti ala, atene: “So mara ti tënë ti nyen laa? Lo yeke mu yanga na ngangu tongana gbia na asioni yingo si ala yeke sigigi!”

Nzoni Tënë so Luc asu na mbeti 8:25

Na pekoni, lo tene na adisiple ti lo: “Mabe ti ala ayeke na ndo wa?” Mbeto agbu ala, li ti ala kue akpe si ala yeke tene na popo ti ala, atene: “Koli so ayeke zo wa si lo suku na pupu nga na ngu si ala kue ama yanga ti lo so?”

Ahebro 12:28

Ndali ti so e wara lege ti li na *Kodro-gbia ti Nzapa, kodro so ayeke yingi pepe, ayeke nzoni e mu singila na lo na lege ti sarango kua so anzere na be ti lo, e ma yanga ti lo si e kpe mbeto ti lo.

Aye so Nzapa afa 15:4

Kota Gbia, zo wa laa ayeke kpe mbeto ti mo pepe? Zo wa laa ayeke gonda iri ti mo pepe? Biani, gi mo oko laa mo yeke nde si mo yeke nzoni kue. Fade amara kue ayeke ga ti kuku na gbe ti mo, ndali ti so ala kue abaa fadeso lege so mo yeke fâ na ngbanga ti mo awe.”

1 Samuel 12:24

Gi ye oko, ala kpe mbeto ti KOTA GBIA, ala sara kua na lo na lege ti mbirimbiri, na be ti ala kue. Ayeke nzoni ala hinga aye ti kpene so lo sara ndali ti ala.