Marc 4:39 - Mbeti ti Nzapa - Tënë so amu fini

³⁹ Lo londo, lo suku ngangu na pupu ni, lo tene: “Kai! Duti kpoo!” Tongaso pupu ni akai si ndo ade ngii.

Marc 4:39 Iomraidhean Croise

Mbeti ti Job 38:11

Mbi tene na lo: “Fade mo ga ngbii mo luti ge; mo yeke hon ndo so pepe! *Amapo ti mo so ayeke sara baba so, ayeke luti ti ala kâ!”

Abia (Psaumes) 107:29

Lo sara si kota pupu ni akai si amapo ni ade.

Abia (Psaumes) 148:8

Ala wâ na *pembe ti bekpa, *neze na guru ti le ti ngu, ala sepela lo! Ala, na kota pupu so ayeke sara ye na peko ti yanga ti lo, ala sepela lo!

Abia (Psaumes) 29:10

KOTA GBIA aduti gbia na ndö ti ngu so asuku amu ndo kue; KOTA GBIA aduti gbia kpu na kpu.

Abia (Psaumes) 65:7

Na lege ti ngangu ti mo, mo sara si ahoto aluti mbirimbiri, mo kanga ngangu na tere ti mo tongana kazaka ti wen.

Abia (Psaumes) 89:9

KOTA GBIA, Nzapa so ayeke na ndö ti dunia kue, zo wa laa ayeke ngangu tongana mo, zo wa? KOTA GBIA, batango tënë ti yanga ti mo so mo yeke bata laa angoro mo.

Sigingo 14:16

Ti mo, mu keke ti mo, mo yoro ni na nduzu na ndö ti kota ngu-ingo; mo kangbi ya ti ngu ni mbage na mbage titene azo ti Israel ahon na popo ni na ndö ti kuru sese.

Sigingo 14:22

Azo ti Israel ahon na ya ti kota ngu-ingo ni, ngu andu gere ti ala pepe. Na mbage ti maboko ti ala ti koli nga na mbage ti maboko ti ala ti wali, ngu ni aluti tongana mbeni kota gbagba.

Amato 8:29

na ndembe so lo leke maka titene akota ngu-ingo aluti daa, lo mu yanga titene ngu ahon ni pepe. Mbi yeke ando daa na ndembe so lo leke gere ti sese.

Jérémie 5:22

Ala kpe mbeto ti mbi pepe? So tënë ti yanga ti KOTA GBIA laa. Tere ti ala ado na dawa ti mbi pepe? Mbi laa mbi zia mbutu ti sara si kota ngu-ingo angba na ndo so ayeke daa. So ayeke katikati so angba kpu na kpu; kota ngu-ingo ni ayeke hon ni pepe. Ataa *amapo ti ngu ni alondo tongana nyen, ngu ni alingbi ti hon ndö ni pepe.

Abia ti demango tere 3:31

Biani, KOTA GBIA ayeke ke zo biani biani pepe.

Nahum 1:4

Lo suku na kota ngu-ingo si kota ngu-ingo ni ahole; lo sara titene *abale kue ahole. Tongaso apere so ayeke na sese ti Bashan na akeke ti hoto ti Karmel ahole; akongo ti pere ti hoto ti Liban ahole.

Matthieu 8:26

Jésus atene na ala: “Ala azo ti kete mabe, mbeto agbu ala ngbanga ti nyen?” Na pekoni, lo londo, lo suku na pupu nga na amapo ni si ndo ade ngii.

Marc 4:38

Jésus ayeke lango na mbage ti ngbonda ti ngo ni; lo zia li ti lo na ndö ti koli. Adisiple ti lo azingo lo, atene: “Wafango-ye, kuâ so e yeke na ya ni so, ayeke senge na le ti mo?”

Marc 9:25

Jésus abaa gba ti azo so ayeke kpe ti ga na tere ti ala; lo suku ngangu na sioni yingo so, lo tene: “Mo, yingo so mo yeke kanga yanga na mê ti zo: sigigi na ya ti molenge so! Kiri mo li na ya ti lo pepe!”

Nzoni Tënë so Luc asu na mbeti 4:35

Jésus asuku ngangu na yingo ni, atene: “Kanga yanga ti mo! Sigigi na ya ti koli so!” Sioni yingo ni akinda koli ni na sese na le ti azo kue si lo sigigi na ya ti lo. Me lo sara ye ti sioni oko na koli ni pepe.

Nzoni Tënë so Luc asu na mbeti 4:39

Lo dingi tere ti lo na ndö ti mama ni, lo suku na kobela ti wâ ti tere ni si kobela ni alondo na tere ti lo. Gi na pekoni, mama ni alondo si ato nda ti sara na ala.

Nzoni Tënë so Luc asu na mbeti 8:24

Ala ga azingo Jésus, atene: “Kota zo, kota zo, e yeke kui!” Lo zingo na lango, lo suku na pupu nga na *amapo ni si ala kai, ndo ade.