Marc 4:38 - Mbeti ti Nzapa - Tënë so amu fini

³⁸ Jésus ayeke lango na mbage ti ngbonda ti ngo ni; lo zia li ti lo na ndö ti koli. Adisiple ti lo azingo lo, atene: “Wafango-ye, kuâ so e yeke na ya ni so, ayeke senge na le ti mo?”

Marc 4:38 Iomraidhean Croise

Ésaïe 63:15

*KOTA GBIA, na yayu kâ, zi le ti mo, mo baa ndo. Na pendere ndo ti mo so ayeke nde si ayeke nzoni kue, baa ye so asi na e: ndoye so ayeke gbi be ti mo tongana wâ ndali ti e, ayeke na ndo wa? Ngangu ti mo ayeke na ndo wa? Mo ke ti baa mawa ti e, mo ke ti sara nzoni be na e awe?

Abia ti demango tere 3:8

Mbi dekongo na lo ti mu maboko na mbi gbaa, mbi iri lo ti mu maboko na mbi gbaa, lo kanga lege si sambela ti mbi asi na lo pepe.

Matthieu 22:16

Ala tokua ambeni disiple ti ala na ambeni zo ti kama poroso ti Herode ti tene na Jésus: “Wafango-ye, e hinga so mo yeke tene gi taa-tënë, mo yeke fa taa-tënë na ndö ti lege ti sarango ye so Nzapa aye; mo yeke sara kamene ti le ti zo pepe, ataa zo ni ayeke na kota ndo.

Matthieu 8:25

Adisiple ti lo ague na tere ti lo si ala zingo lo, atene: “*Kota Gbia, e yeke kui! Soo e na kuâ!”

Marc 4:37

Me mbeni kota pupu alondo si ayeke ya ngangu. *Amapo alondo si ngu ayeke tuku na ya ti ngo ni; ngu aga nduru ti si ya ti ngo ni.

Marc 4:39

Lo londo, lo suku ngangu na pupu ni, lo tene: “Kai! Duti kpoo!” Tongaso pupu ni akai si ndo ade ngii.

Nzoni Tënë so Luc asu na mbeti 8:24

Ala ga azingo Jésus, atene: “Kota zo, kota zo, e yeke kui!” Lo zingo na lango, lo suku na pupu nga na *amapo ni si ala kai, ndo ade.

Jean 4:6

Du ti ngu ti Jacob ayeke kâ. Jésus awoko na peko ti tambula si lo duti na yanga ti du ti ngu ni. Andaa bekombite aga nduru awe.

Ahebro 2:17

Ndani laa, alingbi fade lo ga tongana a-ita ti lo na ya ti aye kue. Tongaso, lo ga kota wayango-sandaga so ayeke baa mawa ti azo si lo yeke sara kua ti Nzapa na legeni, titene lo zi asiokpari ti azo.

Ahebro 4:15

E yeke na kota wayango-sandaga so alingbi ti baa mawa ti e na ndo so ngangu atia e daa. Biani, aye ti tarango be kue asi na lo tongana ti so ayeke si na e, me lo sara ti lo siokpari oko pepe.

1 Pierre 5:7

Aye so kue ala yeke gi be ti ala daa, ala zia ni kue na maboko ti Nzapa, ngbanga ti so lo laa lo yeke bata ala.