Marc 4:37 - Mbeti ti Nzapa - Tënë so amu fini

³⁷ Me mbeni kota pupu alondo si ayeke ya ngangu. *Amapo alondo si ngu ayeke tuku na ya ti ngo ni; ngu aga nduru ti si ya ti ngo ni.

Marc 4:37 Iomraidhean Croise

Mbeti ti Job 1:12

Tongaso KOTA GBIA atene na Satan: “Nzoni! Aye so kue lo yeke na ni, mbi zia na maboko ti mo. Gi ye oko, mo ndu tere ti lo pepe.” Na pekoni, Satan alondo na dawa ti KOTA GBIA ahon.

Mbeti ti Job 1:19

Mbeni ngangu pupu alondo na benyama aga apika da ni mbage na mbage kue. Da ni ati na ndö ti amolenge ni si ala kui. Gi mbi oko laa mbi ngba na fini si mbi ga ti tene tënë ni na mo.”

Jonas 1:4

Me KOTA GBIA atokua mbeni kota pupu na le ti kota ngu-ingo. Kota pupu ni ayeke ya ngangu si ya ti mangboko ni aye ti fâ.

Marc 4:36

Tongaso ala zia gba ti azo ni, ala ko na ya ti ngo so Jésus ayeke na ya ni si ala na lo ahon. Ambeni ngo nga ayeke hon na tere ti ala.

Marc 4:38

Jésus ayeke lango na mbage ti ngbonda ti ngo ni; lo zia li ti lo na ndö ti koli. Adisiple ti lo azingo lo, atene: “Wafango-ye, kuâ so e yeke na ya ni so, ayeke senge na le ti mo?”

Awatokua 27:41

Me ala gue, asi na ndö ti mbeni mbutu so ngu alinda na tere ni mbage na mbage. Li ti mangboko ni ali na ya ti mbutu si lege titene mangboko ni ahon ayeke daa pepe. Na mbage, ngangu ti *amapo akungbi peko ti mangboko ni kue.

2 Korente 11:25

Fani ota, azo ti Rome apika mbi na fimbo, fani oko, azo abo mbi na têne ti fâ mbi; fani ota, mangboko alinda ngu na mbi, mbi sara lango oko na bi oko na ya ti ngu.