Marc 4:32 - Mbeti ti Nzapa - Tënë so amu fini

³² So a lu ni awe, keke ni akono aga kota ahon ambeni kugbe ti kasa kue ti yaka. Amaboko ni akono mingi si andeke asara da ti ala na gbe ti de ti akugbe ni.”

Marc 4:32 Iomraidhean Croise

Abia (Psaumes) 104:12

Andeke ti nduzu asara ada ti ala na tere ti ngu ni; ala duti na popo ti akugbe ti keke si ala yeke he bia.

Abia (Psaumes) 91:1

Zo so ahonde tere ti lo na gbe ti Nzapa so ayeke na yayu kâ na ndö ti aye kue, zo ni ayeke duti na siriri na gbe ti lo so ngangu ti lo ahon angangu kue.

Amato 4:18

Lege ti dutingo ti azo ti mbirimbiri ayeke tongana lumiere ti ndaperere, lo yeke su ngbii lo su ngangu ngangu na bekombite.

B. ti abia 2:3

Tongana keke ti pome na popo ti akeke ti gbako, kamba ti be ti mbi ayeke tongaso na popo ti amaseka-koli. Mbi ye ti duti na gbe ti de ti lo; le ti keke ti lo anzere nzerengo na yanga ti mbi.

Ésaïe 11:9

Na ndö ti hoto so kue ayeke nde si ayeke nzoni kue, fade sioni ye na buba ye ayeke duti daa pepe, ngbanga ti so hingango KOTA GBIA ayeke si singo na ya ti kodro ni tongana ti so ngu asi singo na ya ti kota ngu-ingo.

Ésaïe 32:2

Ala oko oko ayeke duti tongana mbeni gbefa so zo ayeke bata tere ti lo daa ndali ti pupu, tongana ndo so zo ayeke kpe ti honde tere ti lo daa ndali ti ngu-Nzapa, tongana ngu so ayeke sua na ndö ti holengo sese, tongana gbe ti de ti kota têne na kodro so ngu ayeke daa pepe.

Abia ti demango tere 4:20

Lo so KOTA GBIA asoro lo ti zia lo gbia so, lo so fini ti e ayeke na maboko ti lo si e tene tënë ti lo, e tene: “Tongana e wara ndo na popo ti awande, fade lo laa lo yeke bata e.” Baa, awato agbu lo, abi lo na du ti kanga ti ala.

Ezekiel 17:23

Mbi yeke lu maboko ni na ndö ti mbeni yongoro hoto ti Israel. Fade amaboko ni ayeke sigigi daa, ayeke le si ayeke ga pendere keke ti sedre. Amara ti andeke nde nde ayeke sara da ti ala na ya ti amaboko ti keke ni, ala yeke duti na gbe ti de ni.

Matthieu 13:32

Le ni ayeke kete ahon tanga ti ale ti kobe kue; me tongana asigigi si akono awe, ayeke ga kota ahon akugbe ti kasa kue; ayeke ga nga kota keke si andeke aga, asara da ti ala na ya ti amaboko ni.”

Marc 4:31

Kodro-gbia ti Nzapa ayeke tongana le ti keke so iri ni mutarde si a lu na sese; le ni ayeke kete kete ahon ale ti kobe ti dunia kue.

Marc 4:33

Jésus afa tënë mingi na azo na lege ti mara ti atoli tongaso. Lo fa na ala gi ye so ala lingbi ti ma ya ni.