Marc 4:24 - Mbeti ti Nzapa - Tënë so amu fini

²⁴ Lo kiri lo tene na ala: “Ala sara hange na tënë so ala yeke ma so! Ye so ala wani ayeke mu ti haka na ye na amba ti ala laa Nzapa ayeke mu ti haka na ye na ala; lo yeke zia mbeni na ndö ni.

Marc 4:24 Iomraidhean Croise

Amato 19:27

Molenge ti mbi, tongana mo ye ti ma wango pepe, mo do lege ti mandango ye, mo zia ma!

Ésaïe 55:3

Ala dingi mê ti ala, ala ma mbi, ala ga na mbi. Ala ma mbi si fade ala yeke duti na fini. *KOTA GBIA atene: “Mbi na ala, e yeke sara *mbuki so ayeke ngba lakue lakue; mbi yeke mu na ala anzoni ye so mbi mu zendo ni na David.

Jérémie 17:21

Tënë so lo tene ayeke so: Ala sara hange! Ala yo akungba na *lango ti wungo tere pepe, ala li na kungba na mbeni oko ti ayanga ti gbagba ti Jérusalem pepe!

Matthieu 7:2

Biani, Nzapa ayeke fâ ande ngbanga na li ti ala gi tongana ti so ala yeke fâ ngbanga na li ti azo. Ye so ala mu ti haka na ye na azo, ni laa Nzapa ayeke mu ni ti haka na ye na ala.

Marc 9:7

Mbeni mbinda aga amu ndö ti ala kue. Na ya ti mbinda ni, mbeni go atene: “So ayeke Molenge ti mbi so mbi ye lo mingi. Ala ma yanga ti lo!”

Nzoni Tënë so Luc asu na mbeti 8:18

Ala sara hange na lege so ala yeke ma na tënë, ngbanga ti so zo so ayeke na ye, fade a kiri amu mbeni na ndö ni na lo; me zo so ayeke na ye pepe, ataa ye so lo baa lo tene, ni yeke na ni, fade a yeke zi na maboko ti lo.”

Jean 10:16

Ambeni taba ti mbi ayeke na ya ti gbagba ti ataba so pepe. Alingbi mbi fa na ala lege; fade ala yeke ma go ti mbi si ala kue aga bongbi oko ti ataba na wabatango-taba oko.

Jean 10:27

Ataba ti mbi ahinga go ti mbi; mbi hinga ala si ala yeke mu peko ti mbi.

Jean 5:25

Biani, mbi tene na ala taa-tënë: mbeni ngbonga ayeke ga si ngbonga ni alingbi awe so akuâ ayeke ma go ti Molenge ti Nzapa si ala so ama go ni ayeke kiri ti duti na fini.

Awatokua 17:11

Be ti azuife ni kâ ayeke nzoni ahon ti ala ti Tesalonike; ala yamba tënë ti Nzapa na nzara ni kue na be ti ala. Na ya ti lango oko oko, ala yeke gi ya ti Mbeti ti Nzapa ti baa wala atënë so kue Paul atene so ayeke na legeni.

2 Korente 9:6

Alingbi ala hinga ye so: zo so alu ale ti kobe gi kete kete, fade lo yeke fâ ni nga gi kete kete; zo so alu ale ti kobe mingi mingi, fade lo yeke fâ ni nga mingi mingi.

Ahebro 2:1

Ndani laa, tënë ti Nzapa so e ma, alingbi e gbu ni ngangu, tongaso si e girisa lege pepe.

1 Pierre 2:2

Ala duti tongana akete molenge so a du ala fafadeso: alingbi nzara ti tënë ti Nzapa asara ala tongana ti so nzara ti nyongo me ayeke sara kete molenge; tënë ti Nzapa so sioni ye oko ayeke daa pepe. Tongaso, na lege ni, fade ala yeke ga kota si ala soo kuâ.

1 Jean 4:1

A-ita ti mbi so mbi ye ala mingi, tongana azo atene, ani yeke na Yingo ti Nzapa, ala yeda na ala kue pepe; me ayeke nzoni ala gi nda ti azo ni ti baa wala yingo so ala yeke na ni so alondo na Nzapa. Biani, *awayanga-nzapa mingi ti mvene amu ndö ti dunia kue awe.