Marc 4:1 - Mbeti ti Nzapa - Tënë so amu fini

¹ Jésus akiri ayeke fa ye na azo na yanga ti kota ngu ti Galile. Azo abongbi gbani gbani na tere ti lo. Tongaso lo ko na ya ti ngo, lo duti na ya ni. Gba ti azo ni angba ti ala na sese na yanga ti ngu ni.

Marc 4:1 Iomraidhean Croise

Marc 2:13

Jésus akiri ague na yanga ti ngu ti Galile; gba ti azo aga na tere ti lo si lo yeke fa ye na ala.

Marc 3:7

Jésus na adisiple ti lo agboto tere ti ala si ala gue na tere ti kota ngu ti Galile. Gba ti azo alondo na Galile nga na Judée aga si ala mu peko ti lo.

Marc 3:9

Tongaso Jésus ahunda na adisiple ti lo ti leke mbeni ngo ti ku na lo si azo ni alingbi ti pete lo pepe.

Marc 4:36

Tongaso ala zia gba ti azo ni, ala ko na ya ti ngo so Jésus ayeke na ya ni si ala na lo ahon. Ambeni ngo nga ayeke hon na tere ti ala.

Marc 5:2

So Jésus asigigi na ya ti ngo ni, mbeni koli asigigi na popo ti adu ti kuâ hio si aga atengbi na Jésus. Koli so ayeke na mbeni sioni yingo na ya ti lo

Marc 5:21

Jésus afâ ngu na ngo, lo kiri na mbage ti ngu ni. Lo duti na yanga ti ngu ni si gba ti azo aga, abongbi na tere ti lo.